Бу ҳақда Олий ва ўрта махсус таълим вазирлиги хабар қилди.
2019/2020 ўқув йилида тўлов-контракт асосида талабаликка қабул қилинган абитуриентлар, ўқиши кўчирилган ва қайта тикланган (илгари ўқишдан четлатилган) талабалар ўқиши учун тўлов ҳақини ўтказиш ҳамда талабалар сафига қабул қилишни расмийлаштиришнинг сўнгги муддати 2019 йилнинг 20 ноябри этиб белгиланди.
Ўзбекистон Республикаси таълим муассасаларига ўқишга қабул қилиш бўйича Давлат комиссияси кўпчилик абитуриентлар ва уларнинг ота-оналари ҳамда олий ўқув юртлари ректорларининг мурожаатларини инобатга олиб, 2019 йил 21 октябрда 9-сон тегишли қарорни қабул қилди.
Эслатиб ўтамиз, илгари белгиланган олий ўқув юртларига контракт тўлаш муддати 15 октябрга қадар узайтирилган эди.
