2019 йил 26 январь куни Марказий банк Бошқаруви қайта молиялаш ставкасини йиллик 16% даражасида ўзгаришсиз қолдириш тўғрисида қарор қабул қилди.
Эслатиб ўтамиз, қайта молиялаш ставкасининг амалдаги қиймати 2018 йил 25 сентябрда белгиланган. Марказий банк қайта молиялаш ставкасининг ўзгариш динамикаси – бу ерда.
Мазкур қарор инфляцияга қарши пул-кредит сиёсатини сақлаш, ижобий реал фоиз ставкаларини қўллаб-қувватлаш ва инфляцион кутилмаларни пасайтириш заруратига асосланган.
Регуляторнинг хабарида инфляция ва инфляцион кутилмалар, иқтисодий фаолликнинг ички ва ташқи шароитлари, қабул қилинган қарорнинг пул-кредит шароитлари тўғрисида маълумотлар келтирилган, шунингдек прогнозлар ва асосий хатарлар тақдим этилган.
Марказий банк Бошқарувининг қайта молиялаш ставкасини кўриб чиқиш бўйича навбатдаги йиғилиши 2019 йилнинг 20 апрелига режалаштирилган.
