Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
ЭҲАда “директор шарпаси” муаммоси қандай ҳал қилинади - buxgalter.uz да ўқингАгар комитент норезидент бўлса, ЭҲФ қандай расмийлаштирилади - buxgalter.uz да ўқингҚандай солиқ қарзи ундирилиши умидсиз деб эътироф этилади - buxgalter.uz да ўқингЮқори малакали бош директор учун имтиёз - buxgalter.uz да ўқинг

Инвестициялар тартибга кўра жалб этилади

13.03.2019

Рус тилида ўқиш

 

ҚҲТБТ порталида Тўғридан-тўғри хорижий инвестицияларни жалб этиш тартиби тўғрисидаги низом лойиҳаси жойлаштирилган.

 

Ишлаб чиқилган ҳужжатда тўғридан-тўғри хорижий инвестицияларни жалб этиш тартиби, шунингдек мазкур жараёнда инвестиция лойиҳалари ташаббускорлари, Инвестициялар ва ташқи савдо, Иқтисодиёт ва саноат, Ташқи ишлар вазирликлари ҳамда Савдо-саноат палатасининг ваколатлари ва ўзаро ҳамкорлик қилиш механизми белгиланган.

 

Тўғридан-тўғри хорижий инвестицияларни жалб этиш бўйича қарорларни кўриб чиқиш, муҳокама қилиш ва қабул қилишда етакчи бўғин – Инвестициялар ва ташқи савдо вазирлиги. Кўрсатилган вазифаларни ҳал этишда, идоравий бўйсунувидан қатъи назар, барча хўжалик юритувчи субъектлар фаолиятини мувофиқлаштириш учун жавобгарлик идора зиммасига юклатилади.

 

Қуйидагилар асосий босқичлар сифатида ажратиб кўрсатилган:

  • инвестиция таклифларини киритиш ва маълумотлар базасини шакллантириш;
  • бўлажак инвесторни танлаш;
  • эришилган аҳдлашувларни расмийлаштириш;
  • инвестиция лойиҳалари амалга оширилаётганини мониторинг қилиш.

 

Лойиҳада инвестиция таклифининг намунавий шакли ва паспорти, шунингдек тўғридан-тўғри хорижий инвестицияларни жалб этиш жараёнида лойиҳалар ташаббускорлари ва давлат органларининг ўзаро ҳамкорлик қилиш схемаси ҳам тақдим этилган.

 

Эслатиб ўтамиз, шу йил январь ойида давлатимиз раҳбари бошчилигида ўтказилган видеоселектор йиғилишида хорижий инвестицияларни жалб этиш бўйича янги, 4 босқичли тизимни жорий этиш ҳақида сўз юритилган эди

 

Лойиҳа ўзгартирилиши, унга қўшимча киритилиши ёки рад этилиши мумкин.    

 

Олег Заманов.