Парламант қуйи палатасининг навбатдаги ялпи мажлиси арафасида Олий Мажлис Қонунчилик палатасида сиёсий партиялар фракциялари ва Экологик ҳаракати депутатлар гуруҳининг йиғилишлари бўлиб ўтди.
- www.norma.uz
- Парламент хабарлари
- Ёшлар ва ҳуқуқ-тартибот масалалари парламент диққат марказида
![](https://static.norma.uz/banners/Norma%20Den%20nezavisimosti(2)uz.jpg)
Ёшлар ва ҳуқуқ-тартибот масалалари парламент диққат марказида
08.08.2016
![](/img/mw250/6f/ec/11bb98be76736574a58b744c152c.jpg)
Ушбу йиғилишларда депутатлар биринчи ўқишда киритилган “Ёшларга оид давлат сиёсати тўғрисида”ги ва “Ички ишлар органлари тўғрисида”ги қонунлар лойиҳаларини муҳокама қилишди.
Йиғилишда Президентимиз раҳнамолигида истиқлолнинг дастлабки йиллариданоқ демократик давлат қуриш, инсон ҳуқуқ ва эркинликлари, қонуний манфаатларини таъминлаш, фуқаролик жамияти барпо этиш, навқирон авлодни ҳар жиҳатдан соғлом ва баркамол инсонлар этиб вояга етказишга устувор вазифа сифатида эътибор қаратилаётгани алоҳида таъкидланди. Бугунги кунда Ўзбекистон аҳолисининг 60 фоиздан ортиғини ёшлар ташкил этади.
Мамлакатимизда амалга оширилаётган барча ижобий ўзгаришлар замирида ҳар томонлама соғлом, ақлан етук, ҳозирги даврда талаб катта бўлган замонавий касб-ҳунарларни эгаллаган, мустақил ва ижодий фикрлашга қодир, интеллектуал салоҳияти юксак ёш авлод тўғрисида ғамхўрлик қилиш асосий мақсадлардан бири экани табиийдир. “Ёшларга оид давлат сиёсати тўғрисида”ги қонун лойиҳаси ёшларга оид сиёсатни, яъни навқирон авлоднинг ривожланиши учун муносиб шарт-шароитлар яратиш, давлат ва жамиятни ривожлантиришда уларнинг интеллектуал, ижодий салоҳиятидан унумли фойдаланишни назарда тутадиган ижтимоий-иқтисодий ва ҳуқуқий чора-тадбирлар тизимини белгилашга қаратилгандир.
Фракциялар йиғилишларида “Ички ишлар органлари тўғрисида”ги қонун лойиҳаси ҳам атрофлича муҳокама қилинди. Мамлакатимиз Президенти Ўзбекистон Республикаси Конституцияси қабул қилинганлигининг 23 йиллигига бағишланган тантанали маросимдаги маърузасида ички ишлар органларининг қонун устуворлигини таъминлаш, фуқароларнинг ҳуқуқ ва эркинликларини ишончли ҳимоя қилиш борасидаги фаолият шакли ва усулларини аниқлаштириш лозимлиги ҳақида алоҳида тўхталди. Юқоридаги вазифалардан келиб чиқиб, мутасадди идоралар томонидан экспертларни ҳамда кенг жамоатчилик вакилларини жалб этган ҳолда мазкур қонун лойиҳаси ишлаб чиқилиб, Олий Мажлис муҳокамасига киритилди. Мазкур қонуннинг қабул қилиниши – ички ишлар органлари вазифалари, улар фаолиятининг асосий йўналишлари, принциплари ва бошқа жиҳатларининг яхлит қонун ҳужжатида белгилаб берилиши мамлакатимизда ҳуқуқ-тартиботни мустаҳкамлашда катта аҳамият касб этади.
Сиёсий партиялар фракциялари ҳамда Ўзбекистон Экологик ҳаракатидан сайланган депутатлар гуруҳи аъзолари қонунлар лойиҳаларини концептуал жиҳатдан қўллаб-қувватлаб, биринчи ўқишда қабул қилишни маъқуллади.
Ўзбекистон Республикаси Олий Мажлиси
Қонунчилик палатаси
Демократик институтлар, нодавлат ташкилотлар
ва фуқароларнинг ўзини ўзи бошқариш органлари
қўмитасининг аъзоси Алия ЮНУСОВА
Мавзу бўйича материаллар:
Фуқаролар мурожаатлари – мансабдор шахслар ишининг индикаторидир
Оммавий ахборот воситалари катта куч ва салоҳиятга эга
АКТ ҳаётга жадал жорий қилинмоқда
“Жавоб берамиз!” Маълумот хизматидан жавоблар:
Қандай ҳолларда корхона раҳбари буйруқ ёки фармойиш беради? Бу иккаласининг фарқи нимада?
Янги сонларда ўқинг
![](/files/norma/images/logo_sbx.png)
- Тадбиркорларнинг рентабеллик даражасига қўйиладиган талаблар юмшатилди
- Имтиёз ҳисобга олинмасдан солиқ ҳисобланганда, корхона раҳбарига маъмурий жарима қўллаш тўғрими
- Пеня миқдорлари камайтирилди
- Божхона омбори: товарларни бошқа шахсга ўтказиш
- Тадбиркорлик субъектларининг барқарорлик рейтингида мезонлар ўзгарди
![](/files/norma/images/logo_nm.png)
- Ер амнистияси эълон қилинди
- Ходимларнинг маълумоти ва иш стажи тўғрисидаги талаблар қайси ҳужжатда белгиланиши керак
- Жисмоний шахсларнинг қайси даромадлари иш берувчининг фаолияти билан боғлиқ эмас
- «Халқаро тараққиёт уюшмаси иштирокида «Аҳолининг заиф қатламларини интеграция қилиш учун Ўзбекистоннинг инновацион ижтимоий ҳимоя тизими (INSON)» лойиҳасини амалга ошириш чора-тадбирлари тўғрисида»
- Чет элликлар Ўзбекистонда узоқ давом этадиган даврда ишламоқда: хизмат сафарими ёки вахтами?