Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Малака сертификати муддати узайтирилган аудиторлар рўйхати эълон қилинди - buxgalter.uz да ўқингҲисобварақ-фактуралардаги бош бухгалтер имзоси қаерга «йўқолди» - buxgalter.uz да ўқингАутсорсер билан ўзаро муносабатларда муаммолар бўлмасин - buxgalter.uz да ўқингМеҳнат дафтарчаси йўқ – стаж ҳам бўлмайдими? - buxgalter.uz да ўқинг

1 августдан импорт қилинадиган автомобилларга акциз солиғи бекор қилинади

04.06.2020

Рус тилида ўқиш

 

Президент томонидан 2020 йил 3 июнда ПҚ-4739-сон тегишли қарор имзоланди деб маълум қилинади Адлия вазирлигининг Телеграм-каналида.

 

2020 йил 1 августдан қуйидагиларни олиб киришда амалдаги акциз солиғи ставкалари бекор қилинади:

 

  • тракторлар, шатакка олувчи машиналар ва скиддерлар (8701-гуруҳ ТИФ ТН коди) – ҳозир уларга акциз солиғи 5%дан 20%гача миқдорда белгиланган;

 

  • двигатель ҳажми ва сиғими турлича бўлган моторли транспорт воситалари, шу жумладан дизель ва ярим дизеллар (8702-гуруҳ) – ҳозир 70%+$3/см3 ставкаси бўйича солиқ солинади;

 

  • асосан йўловчи ташишга мўлжалланган енгил автомобиллар ва бошқа моторли транспорт воситалари, шу жумладан юк ва йўловчиларни ташиш учун фургонлар ва пойта автомобиллари (8703-гуруҳ) – 30%;

 

  • юк ташишга мўлжалланган моторли транспорт воситалари (8704-гуруҳ), айни пайтда улар бўйича двигатель ҳажми ва фойдаланиш муддатидан келиб чиққан ҳолда табақалаштирилган ставкалар амал қилади.

 

Қарор ички автомобиль бозорини ривожлантиришни рағбатлантириш, рақобат шароитларини яратиш, автомобиль саноатида мақбул инвестиция муҳитини шакллантириш мақсадида қабул қилинган.