Вазирлар Маҳкамасининг 31.01.2023 йилдаги “Умумий ўрта таълим тўғрисидаги электрон шаҳодатноманинг давлат намунасини тасдиқлаш ҳақида”ги 44-сон қарори қабул қилинди.
Ҳужжат билан умумий ўрта таълим тўғрисидаги электрон шаҳодатноманининг давлат намунаси, шунингдек электрон шаҳодатномани шакллантириш ва бериш тартиби тасдиқланмоқда. Эндиликда ҳар йили:
- 1 декабрга қадар мактаб маъмурияти битирувчилар ҳақида маълумотни электрон дастурга киритишади (маълумотлар 25 майга қадар янгиланиши ва ўзгартирилиши мумкин);
- 30 майга қадар туман таълим бўлими киритилган маълумотларни текшириб, тасдиқлайди;
- 15 июнга қадар мактаб педагогик кенгаши битирувчиларга шаҳодатнома бериш тўғрисида қарор қабул қилади;
- Мактабгача ва мактаб таълим вазирлиги электрон шаҳодатномалар учун серия ва тартиб рақамини ажратади;
- 20 июнга қадар мактаб маъмурияти якуний баҳоларни электрон тизимга киритади, шундан сўнг “Электрон шаҳодатнома” тизимида QR-код тасвири туширилган ва битирувчи томонидан юклаб олиниши мумкин бўлган шаҳодатнома шакллантирилади.
Ҳужжат Қонунчилик маълумотлари миллий базасида эълон қилинган ва 01.02.2023 йилдан кучга кирди.
Собир Нурбердиев.