Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
2020 йил учун “сув солиғи” бўйича бўнак тўловлари тўғрисидаги маълумотнома қандай тўлдирилади - buxgalter.uz да ўқингДИЛШОД СУЛТОНОВ ЖАВОБ БЕРАДИ: доимий муассасалар учун ҳисобга туриш ва ҚҚС ҳисоб-китоби - buxgalter.uz да ўқингДИЛШОД СУЛТОНОВ ЖАВОБ БЕРАДИ: ХК, оилавий корхоналар ва фермер хўжаликлари соф фойдасига қандай қилиб солиқ солинади - buxgalter.uz да ўқингДИЛШОД СУЛТОНОВ ЖАВОБ БЕРАДИ: ижтимоий солиқ ва ЖШДС. Қандай қилиб МҲЭКМни қайта ҳисоблаш мумкин - buxgalter.uz да ўқингЭСЛАТМА: 2020 йилда ЯТТ даромадларига қандай солиқ солинади - buxgalter.uz да ўқинг2019 йил учун солиқ ҳисоботи: нимани ва қайси муддатларда топшириш лозим - buxgalter.uz да ўқингСолиштирма жадвал: қайси ЭҲФ операторини танлаган маъқул - buxgalter.uz да ўқингИжтимоий соҳа: фойда солиғини тўлаш лозимми - buxgalter.uz да ўқингЯММТ: ечим топилмаган вазиятларда қандай йўл тутилади - buxgalter.uz да ўқингЖШДС солинмаган даромад олган жисмоний шахслар тўғрисидаги маълумотномани топширишни унутманг! - buxgalter.uz да ўқингЭнди ДСХОда коррупция камайишига солиқчиларнинг ишончи комил. Нима учун? - buxgalter.uz да ўқинг2019 йилда айланмаси чегаравий миқдордан ошганлар учун солиқ солиш ва ЯТТ учун мактабда умумий овқатланиш - buxgalter.uz да ўқингФевраль ойи учун бош бухгалтер режаси: бажариладиган 11 та муҳим иш - buxgalter.uz да ўқинг

Ҳуқуқни қўллаш назоратга олинади

05.11.2019

Рус тилида ўқиш

 

Мамлакатимизда норматив-ҳуқуқий ҳужжатлар ижросининг ҳуқуқий мониторингини амалга ошириш тизими жорий этилмоқда (2.11.2019 йилдаги ПҚ-4505-сон қарорга қаранг).

 

Унинг энг асосий мақсадларидан бири –қарама-қаршиликлар, зиддиятлар, коррупцияга оид омиллар, бир-бирини такрорловчи ва коллизион нормаларни аниқлаш ва бартараф этиш. Шунингдек, мониторинг ҳуқуқий тартибга солишнинг тўлиқлигини, қабул қилинаётган ҳужжатлар ижросининг ягона амалиётини, ҳуқуқни қўллаш амалиётининг ҳужжатларни қабул қилиш мақсадларига мувофиқлигини таъминлайди. Жорий этилаётган тизим норматив ҳужжатларнинг давлатнинг қонунлари ва халқаро мажбуриятларига мувофиқлигини таъминлаш имконини беради, шунингдек ягона тушунча ва атамалар тизимини яратади.

 

Ҳуқуқий мониторинг давлат бошқаруви органлари томонидан ўз ваколатлари доирасида тартибга солиш предмети бўлган ҳужжатлар бўйича амалга оширилади. Жараёнга адвокатлар, илмий-таълим муассасалари мутахассислари, ННТ ва фуқаролик жамиятининг бошқа институтлари вакиллари, шунингдек, фуқароларни шартнома асосида жалб қилишлари мумкин.

 

Адлия вазирлиги – мазкур соҳада махсус ваколатли орган. Идора давлат бошқаруви органлари томонидан ўтказиладиган ҳуқуқий мониторингда иштирок этиш ва унинг жараёнида йўл қўйилган қоидабузарликларни бартараф этиш тўғрисида тақдимномалар киритиш, шунингдек ҳужжатларни танлаб олиб, такрорий ҳуқуқий мониторинг ўтказишга ҳақли.

 

Иш қуйидаги тартибда ҳар йили тасдиқланадиган режага асосан амалга оширилади:

  • 1 февралга қадар давлат бошқаруви органлари мониторинг ўтказилиши лозим бўлган НҲҲлар рўйхатини шакллантиради ва уни ўтган йил учун иш натижалари тўғрисидаги ҳисобот билан бирга Адлия вазирлигига тақдим этади. Режани бажариш чоғида аниқланган камчиликларни бартараф этиш бўйича таклифлар ҳар чоракда Адлия вазирлигига тақдим этилади;
  • 20 февралга қадар Адлия вазирлиги режа лойиҳасини ишлаб чиқади ваўтган йил учун ҳисоботни Ҳукуматга киритади;
  • 20 мартга қадар Вазирлар Маҳкамаси режани ҳамда ўтган йилги ижро натижалари тўғрисида ҳисоботни раёсат мажлисларида муҳокама қилган ҳолда тасдиқлайди.

 

Президент Администрацияси ва Вазирлар Маҳкамасининг топшириғига асосан қўшимча ҳуқуқий мониторинг ўтказиш талаб этилган тақдирда режага қўшимча киритилмайди. Ҳуқуқий мониторинг ўтказиш, жумладан режани шакллантириш билан боғлиқ жараёнларнинг бориши Норматив-ҳуқуқий ҳужжатлар лойиҳаларини ишлаб чиқиш ва келишишнинг ягона электрон тизимидаги махсус электрон майдончада акс этади.

 

Ҳужжат Қонун ҳужжатлари маълумотлари миллий базасида эълон қилинган ва 2.11.2019 йилдан кучга кирди.

 

Олег Заманов.