Тегишли қарорни Президент 2019 йил 8 июль куни имзолади. Ҳужжат ЎзА сайтида эълон қилинган.
Республика комиссиясининг таркиби тасдиқланди, унга “Жонажон Ўзбекистоним, мангу бўл омон!” деган бош ғояни ўзида мужассам этган ташкилий-амалий, маънавий-маърифий тадбирлар ҳамда тарғибот-ташвиқот ишлари дастурини ишлаб чиқиш топширилди. Бу тадбирларни ташкил этишда баландпарвозлик, расмиятчилик ва юзакилик ҳолатларига йўл қўймасдан, холислик ва ҳаққонийлик тамойиллари асосида ўтказиш зарур, деб таъкидланади ҳужжатда.
Мустақиллик кунига юртимиз истиқлолини тараннум этадиган энг яхши қўшиқ ва мусиқа асарлари учун “Ягонасан, муқаддас Ватан!” республика танловининг якуний босқичини ўтказиш режалаштирилган. Танлов ғолиблари ва совриндорлари байрам арафасида эълон қилиниб, тақдирланади.
Энг улуғ, энг азиз”, “Ранглар жилосида – она диёр”, “Ватан учун яшайлик!” кўрик-танловлари анъанавий тарзда ўтказилади.
Константин Мосин.
