Тошкент шаҳар Халқ депутатлари кенгаши ўзининг 25.12.2015 йилдаги 76/9-5-сон қарори билан Тошкент шаҳри бўйича 2016 йил учун маҳаллий солиқлар ва йиғимлар ставкаларини тасдиқлади:
- ободонлаштириш ва ижтимоий инфратузилмани ривожлантириш солиғи - соф фойданинг 8%и;
- транспорт воситалари учун бензин, дизель ёқилғиси ва газ истеъмол қилганлик учун солиқ:
- бензин – 1 литр учун 335 сўм/1 тонна учун 445 000 сўм;
- дизель ёқилғиси – 1 литр учун 335 сўм/1 тонна учун 407 025 сўм;
- суюлтирилган газ –1 литр учун 230 сўм;
- сиқилган газ – 1 куб.м учун 275 сўм;
- алкоголли маҳсулотни чакана сотиш ҳуқуқи, шу жумладан умумий овқатланиш корхоналари томонидан реализация қилганлик учун йиғим – 1 ой савдо қилганлик учун ЭКИҲнинг 5 баравари;
- қимматбаҳо металлар ва қимматбаҳо тошлардан ясалган буюмларни реализация қилганлик учун йиғим – 1 ой савдо қилганлик учун ЭКИҲнинг 3,5 баравари;
- автотранспорт воситаларини вақтинча сақлаш бўйича пуллик хизмат кўрсатиш ҳуқуқи учун йиғим – ойига ЭКИҲнинг 6 баравари.
Мазкур қарор расмий эълон қилинган пайтдан эътиборан кучга кирди.
Қарор билан Тошкент шаҳар ҳокимлигининг www.toshkent.uz веб-сайти орқали ҳам танишиш мумкин.
Маъруф УСМАНОВ.
