Президент томонидан 2.05.2023 йилдаги “Иккинчи жаҳон уруши қатнашчиларини рағбатлантириш тўғрисида”ги Фармон имзоланди.
9 май – Хотира ва қадрлаш куни кенг нишонланиши, Иккинчи жаҳон урушида ҳалок бўлган аждодларимиз хотирасини абадийлаштириш, фашизм устидан қозонилган ғалабанинг 78 йиллиги муносабати билан Иккинчи жаҳон уруши қатнашчилари ва ногиронларининг ҳар бирига 18 млн сўм миқдорида бир марталик пул мукофоти белгиланди.
Бугун ҳам фахрийлар сафимизда туриб, Ватанимизнинг обрў-эътиборини юксалтиришга, ёшларни маънавий-ахлоқий жиҳатдан тарбиялашга салмоқли ҳисса қўшмоқдалар.
Мукофотлаш билан боғлиқ бўлган сарф-харажатлар республика бюджети маблағлари ҳисобидан амалга оширилади.
Ҳужжат “Халқ сўзи” газетасида эълон қилинган ва 2.05.2023 йилдан кучга кирди.
Лола Абдуазимова.
