Вазирлар Маҳкамасининг 18.02.2025 йилдаги ВМҚ-102-сон қарори билан Давлат харидларида Ягона етказиб берувчилар реестрига киритиш бўйича давлат хизматларини кўрсатишнинг маъмурий регламенти тасдиқланди.
2025 йил 1 апрелдан бошлаб юридик ва жисмоний шахсларни Ягона етказиб берувчилар реестрига киритиш учун аризалар Давлат хизматлари марказлари ва ЯИДХП орқали қабул қилинади.
Ягона етказиб берувчилар реестрига киритиш тўғрисидаги ариза ва унга илова қилинадиган маълумотлар давлат харидлари соҳасидаги махсус ахборот порталида жамоатчилик муҳокамасидан ўтказилган ҳолда жамоатчиликка эълон қилинади ҳамда жамоатчилик вакилларига ушбу аризага изоҳлар қўйиш имконияти яратилади.
Ваколатли орган - Иқтисодиёт ва молия вазирлиги Ягона етказиб берувчилар Реестрига киритиш тўғрисидаги аризани ариза тушган кундан эътиборан 15 иш куни ичида кўриб чиқсин.
Аризани маъқуллаш ёки рад этиш тўғрисидаги қарор аризачи томонидан тақдим этилган маълумотлар, республика ижро этувчи ҳокимият органлари ва хўжалик бирлашмаларининг хулосалари, шунингдек аризани кўриб чиқиш давомида тўпланган бошқа маълумотлар асосида қабул қилинади.
Ягона етказиб берувчилар реестрига киритиш тўғрисидаги аризани кўриб чиқиш натижалари (мақбуллаш ва рад этиш учун асослар) ҳам давлат харидлари порталида очиқ эълон қилинади.
Ушбу давлат хизматини кўрсатганлик учун тўлов ундирилмайди.
Ҳужжат Қонунчилик маълумотлари миллий базасида давлат тилида эълон қилинган ва 19.02.2025 йилдан кучга кирган.
Лола Абдуазимова
