ЯСТга ўтганда ҳисобот беришга тўғри келади

СКга мувофиқ сув ресурсларидан фойдаланганлик учун солиқ, мол-мулк солиғи ва ер солиғи бўйича ҳисоб-китоблар солиқ органларига йилда бир марта, йиллик молиявий ҳисобот топшириладиган муддатларда тақдим этилади. Бунда йил мобайнида солиқ солишнинг соддалаштирилган тизимига ўтилганда СКда мазкур ҳисоб-китобларни тақдим этиш муддатлари ўрнатилмаган эди.

СКнинг 263, 271 ва 285-моддаларига киритилган қўшимчалар қуйидаги тартибни назарда тутади: умумбелгиланган солиқларни тўловчилар ҳисобланган кичик бизнес субъектлари йил мобайнида ягона солиқ тўловига ўтган тақдирда умумбелгиланган солиқларни тўлаш даври учун юқорида кўрсатилган солиқлар бўйича ҳисоб-китобларни тақдим этишлари керак бўлади.

Ҳисоб-китоб солиқ тўловчи солиқ тўлашнинг соддалаштирилган тизимига ўтган ойнинг 10-санасидан кечиктирмай  ДСИга тақдим этилади.

Масалан, агар умумбелгиланган солиқларни тўлаган кичик корхона 2017 йилнинг 2-чорагидан ЯСТни тўлашга ўтса, у юқорида кўрсатилган солиқларни 2017 йил 1-чораги учун ҳисоблаши ва 10 апрелгача улар бўйича ҳисоб-китобларни ДСИга тақдим этиши зарур.

Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.

Музаффар Мирзағаниев,

экспертимиз.

Мавзуга оид материал:

Сенат солиқ ва бюджет сиёсатига ўзгартиришларни муҳокама қилди