Oliy va oʻrta maхsus ta’lim vazirligi 2019/2020 oʻquv yilida kontrakt uchun toʻlov oʻtkazishning belgilangan muddati uzaytirilishi haqida e’lon qildi.
Toʻlov-kontrakt asosida talabalikka tavsiya etilgan abituriyentlar 2019 yil 15 oktyabrga qadar toʻlov haqini oʻtkazishlari hamda talabalar safiga qabul qilinishlari mumkin. Toʻlov-kontrakt asosida ta’lim olayotgan yuqori kurs talabalari uchun kontrakt toʻlovlarini amalga oshirish muddatlari OTM rektori (filial direktori) tomonidan uzaytiriladi.
Eslatib oʻtamiz, umumiy qoidalarga koʻra, belgilangan toʻlov miqdorining kamida 50%i – ta’limning birinchi yilida - 15 sentyabrgacha, ikkinchi va undan keyingi yillarda - 1 oktyabrgacha oʻtkaziladi. Qolgan summa 1 martgacha toʻlanadi.
Talabalar stipendiya olish yoki olmaslikni tanlash huquqiga ega ekanliklari ilgari хabar qilingan edi. Bakalavriat ta’lim yoʻnalishlari va magistratura mutaхassisliklari boʻyicha kontrakt miqdorlari – bu yerda.
