Вазирлар Маҳкамасининг 21.07.2014 йилдаги 199-сон қарорига қўшимча киритилди (25.08.2019 йилдаги 717-сон ВМҚга қаранг).
Товарларни олиб киришга тузилган импорт контрактларга хўжалик юритувчи субъектлар, хорижий ҳамкорлар ва уларнинг реквизитлари ўзгариши тўғрисидаги қўшимча келишув расмийлаштирилган бўлса, ушбу контрактлар бўйича молиявий транзакциялар божхона юк декларацияларига тегишли ўзгартиришлар киритилгандан сўнг амалга оширилади. БЮД қандай тўлдирилиши ва унга қандай маълумотлар киритилиши ҳақида бу ерда қаранг.
Бундай чора-тадбирлар, масалан, маблағлар келишувда бошидан иштирок этмаган қандайдир учинчи шахсга ўтиб кетишининг олдини олишга ҳамда қонун ҳужжатларида талаб қилинганидек бевосита маҳсулот етказиб берувчига тўловни кафолатлашга имконият яратади (5.08.1996 йилдаги ПФ-1504-сон Фармонга қаранг). Ҳаволадан ўтиб мазкур норма ҳақида батафсил ўқиб чиқиш ва экспертларимиз фикрини билиб олиш мумкин.
ДБҚ Ташқи савдо операциялари ягона электрон ахборот тизимига (ТСОЯЭАТ) бир ой мобайнида тегишли ўзгартиришларни киритади.
Ҳужжат Қонун ҳужжатлари маълумотлари миллий базасида эълон қилинган ва 28.08.2019 йилдан кучга кирди.
Олег Заманов.