Prezident tomonidan 14.02.2025 yildagi «Yoshlar tadbirkorligini hamda ularning bandligini ta’minlashga qaratilgan biznes loyihalarni qoʻllab-quvvatlash tizimini takomillashtirish chora-tadbirlari toʻgʻrisida» PQ-60-son qaror imzolandi.
Yoshlar tadbirkorligini rivojlantirish davlat maqsadli jamgʻarmasi tashkil etildi.
Biznes loyihalarni saralash va moliyaviy qoʻllab-quvvatlashga tavsiya qilish hamda Jamgʻarma faoliyatini samarali tashkil etish uchun oʻz sohasida yuqori natijalarga erishgan hamda samarali faoliyat yuritib kelayotgan 20 nafar tadbirkordan iborat tarkibda jamoatchilik asosida faoliyat yurituvchi kengash tuzilmoqda.
Kengash a’zolari tarkibining kamida 30% yosh tadbirkorlar orasidan shakllantiriladi; Kengashga Yoshlar ishlari agentligi direktori raislik qiladi
Hujjat bilan Yoshlar tadbirkorligini hamda ularning bandligini ta’minlashga qaratilgan biznes loyihalarni qoʻllab-quvvatlash instrumentlari roʻyхati tasdiqlanmoqda. Instrumentlar orasida – imtiyozli kreditlar,qarz va kompensatsiyalarni toʻlab berish mavjud. Toʻliq roʻyхat bilan shu yerda tanishish mumkin.
Hujjat Qonun hujjatlari ma’lumotlari milliy bazasida e’lon qilingan va 18.02.2025 yildan kuchga kirdi.
Sobir Nurberdiyev
