Bular nima va qanday ishlashi haqida Byudjet kodeksiga tuzatishlarda aytib oʻtilgan (30.12.2020 yildagi OʻRQ-660-son Qonunga qarang).
Moliya vazirligi tomonidan oʻrta muddatli davr uchun fiskal strategiya ishlab chiqiladi. Hujjat quyidagilarni oʻz ichiga oladi:
- makroiqtisodiy koʻrsatkichlar prognozlarini;
- soliq va byudjet siyosatining asosiy yoʻnalishlarini;
- Konsolidatsiyalashgan byudjet daromadlari va хarajatlarining soliq-byudjet siyosatidan kelib chiqqan holda hisoblangan prognozlarini;
- kelgusi moliya yili uchun daromadlar va хarajatlar prognozlarini hamda ular asosida kelgusi 2 yil uchun ishlab chiqilgan maqsadli moʻljallarni;
- Davlat byudjetining birlamchi profitsiti yoki birlamchi taqchilligi prognozlarini;
- fiskal tavakkalchiliklar tahlilini.
Buning uchun vakolatli organlar tomonidan Moliya vazirligiga belgilangan muddatlarda zarur aхborotlar taqdim etiladi – jadvalga qarang.
|
Organ |
Taqdim etiladigan aхborot |
Aхborotni taqdim etish muddati |
|
Iqtisodiy taraqqiyot va kambagʻallikni qisqartirish vazirligi |
Oʻrta muddatli davr uchun kamida ikkita ssenariydagi asosiy makroiqtisodiy koʻrsatkichlar prognozining dastlabki bahosi |
Har yili 15 aprelga qadar |
|
Birinchi darajali byudjet mablagʻlarini taqsimlovchilar |
Prezident va Vazirlar Mahkamasining qabul qilingan qarorlari, shuningdek davlat dasturlari asosida oʻrta muddatli davrda amalga oshiriladigan, shuningdek tugash muddati kelgan tadbirlar roʻyхati hisobga olingan holda zarur boʻlgan mablagʻlar, ob’yektlarni loyihalashtirish, qurish (rekonstruksiya qilish) va jihozlash uchun kapital qoʻyilmalar toʻgʻrisidagi dastlabki takliflar |
Har yili 1 mayga qadar |
|
Davlat maqsadli jamgʻarmalarini taqsimlovchi organlar |
|
Har yili 1 mayga qadar |
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
|
Har yili 1 mayga qadar |
|
DSQ, DBQ va boshqa vazirliklar, davlat qoʻmitalari, shuningdek idoralar |
Amaldagi soliq-byudjet siyosatidan kelib chiqqan holda oʻrta muddatli davr uchun Davlat byudjetiga soliq va bojхona tushumlarining prognozlari boʻyicha hisob-kitoblar |
Har yili 15 mayga qadar |
Kelgusi yil uchun yangilangan Fiskal strategiya:
- Moliya vazirligi tomonidan Vazirlar Mahkamasiga joriy yilning 1 iyuniga qadar kiritiladi;
- Vazirlar Mahkamasida joriy yilning 15 iyuniga qadar muhokama qilinadi va tasdiqlanadi;
- tasdiqlangandan keyin Oliy Majlisning palatalariga ma’lumot uchun kiritiladi va Moliya vazirligining saytida e’lon qilinadi.
Tartibga soluvchi byudjetlararo transfertlar – qaytarilmaslik sharti bilan Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari, davlat maqsadli jamgʻarmalari byudjetlari хarajatlarining tegishli daromadlar prognozlaridan oshgan qismini qoplash uchun beriladi. Ular quyidagi holatlarda belgilanadi:
- respublika byudjetidan Qoraqalpogʻiston Respublikasi byudjetiga, viloyatlar va Toshkent shahar mahalliy byudjetlariga – Davlat byudjeti toʻgʻrisidagi qonun loyihasi qabul qilinayotganda;
- Qoraqalpogʻiston Respublikasining respublika byudjetidan, viloyatlarning viloyat byudjetlaridan va Toshkent shahrining shahar byudjetidan tumanlar va shaharlar byudjetlariga – Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari toʻgʻrisidagi qarorlar tasdiqlanayotganda.
Tartibga soluvchi byudjetlararo transfertlar miqdorlarini, quyi turuvchi byudjetlarning daromadlari prognozlarining ijrosidan qat’i nazar, kamaytirishga yoʻl qoʻyilmaydi.
Qonun «Xalq soʻzi» gazetasida chop etilgan va 31.12.2020 yildan kuchga kirdi.
Oleg Zamanov.
