Prezidentning 4.04.2017 yildagi PQ–2867-son Qarori bilan muddatli harbiy хizmatni oʻtagan oliy ta’lim muassasalari abituriyentlari uchun imtiyoz miqdoriga tuzatish kiritildi.
Qurolli Kuchlar safida muddatli harbiy хizmatni oʻtab boʻlgan, harbiy qismlar qoʻmondonligining tegishli tavsiyanomalariga ega boʻlgan fuqarolarga barcha yoʻnalishlar va mutaхassisliklar boʻyicha bakalavrlar tayyorlashda barcha oliy ta’lim muassasalariga kirishda imtiyozlar beriladi.
Bu 2017/2018 oʻquv yilidan boshlab test sinovlari natijalariga koʻra toʻplagan ballarining 50 foizi miqdorida qoʻshimcha ballga ega boʻlish shaklidagi imtiyozdir (ilgari – toʻplash mumkin boʻlgan maksimal ballarning 27 foizi).
Shu tariqa, test sinovining barcha savollariga toʻgʻri javob bergan imtiyozga ega boʻlgan abituriyent ilgari 288 ball toʻplar edi, endi 340,2 ball olish imkoniyatiga ega.
Quyidagi hujjatlarga tegishli tuzatishlar kiritildi:
- Prezidentning «Oʻzbekiston Respublikasi Qurolli Kuchlari safida muddatli harbiy хizmatni oʻtab boʻlgan fuqarolarga imtiyozlar tizimini takomillashtirishga oid qoʻshimcha chora-tadbirlar toʻgʻrisida»gi 2012 yil 31 maydagi PQ-1765-sonli qarori;
- Oʻzbekiston Respublikasi Qurolli Kuchlari safida muddatli harbiy хizmatni oʻtab boʻlgan fuqarolarni oliy ta’lim muassasalariga qabul qilish tartibi toʻgʻrisida nizom (11.07.2012 yildagi 205-son VMQ bilan tasdiqlangan);
- Oʻzbekiston Respublikasi oliy harbiy ta’lim muassasalariga tanlash tartibi va qabul qilish qoidalari toʻgʻrisida nizom (3.06.2014 yildagi 141-son VMQ bilan tasdiqlangan).
Mazkur hujjatning matni bilan, u bilan bogʻlangan boshqa qonun hujjatlariga sharhlar va izohlar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg ZAMANOV,
ekspertimiz.
.png)
