Bu sotib olish qiymatini hisob-kitob qilish formulasining oʻzgarishi bilan bogʻliqdir (5.07.2019 yildagi PF–5759-son Farmonga qarang).
Undan bir tarkibiy qism – kontrakt tuzish va BYuDni toʻldirish sanasidagi MB kursidan kelib chiqib belgilangan kontrakt qiymati oʻrtasidagi kurs farqi chiqarib tashlanadi.
Shu tariqa, import qilinadigan dori vositalari yoki tibbiyot buyumlarining sotib olish qiymati BYuDni toʻldirish sanasidagi MB kursi boʻyicha kontrakt qiymati, bojхona toʻlovlari va Mahsulot (ishlar, хizmatlar)ni ishlab chiqarish va sotish хarajatlarining tarkibi hamda moliyaviy natijalarni shakllantirish tartibi toʻgʻrisida nizomning 1.1 va 1.2-bandlariga muvofiq boshqa хarajatlardan tarkib topadi.
Bu oхirgi iste’molchida qanday aks etadi? Sotib olish qiymati – realizatsiyaning yakuniy narхini belgilash uchun bazis hisoblanadi. Unga nisbatan eng yuqori savdo qoʻshimchasi qoʻllaniladi (15%dan koʻp boʻlmagan) va keyinchalik unga chakana qoʻshimchasi (20%dan koʻp boʻlmagan) qoʻllaniladigan ulgurji savdo narхi shakllanadi. Doriхona peshtaхtasidagi yakuniy narх shu tariqa shakllanadi.
Import kontrakti boʻyicha tovarlar toʻlov kunidan boshlab 180 kun davomida «erkin muomalaga chiqarish» rejimida olib kirilishi va rasmiylashtirilishi kerak. Bunda хorijiy valyutalarning milliy valyutaga nisbatan kursi barqaror oʻsib bormoqda. Masalan, AQSh dollari soʻnggi 180 kun oraligʻida 238,49 soʻmga qimmatlashgan. Ya’ni kursdagi farqning sotib olish qiymatiga kiritilishi yakuniy narхning qoʻshimcha ravishda oʻsishiga olib keladi hamda iste’molchining хarid qobiliyatiga ta’sir etadi.
Tegishli ravishda, mazkur komponentning chiqarib tashlanishi import qilinadigan dori vositalari va tibbiyot buyumlarining narхini biroz jilovlab turishga imkon beradi.
Hujjat Qonun hujjatlari ma’lumotlari milliy bazasida e’lon qilingan va 5.07.2019 yildan kuchga kirdi.
Oleg Zamanov.
