24.01.2018 yildagi OʻRQ-461-son “Oʻzbekiston Respublikasining Iqtisodiy protsessual kodeksini tasdiqlash haqida”gi Qonun Xalq soʻzi gazetasida e’lon qilindi.
Eslatib oʻtamiz, Prezidentning 21.02.2017 yildagi PF-4966-son Farmoni bilan oʻsha paytda faoliyat koʻrsatgan Qoraqalpogʻiston Respublikasi, viloyatlar va Toshkent shahar хoʻjalik sudlari (ishlarni birinchi va apellyatsiya sudlarida koʻrib chiqishardi) tegishli iqtisodiy sudlarga aylantirildi; tumanlararo, tuman (shahar) iqtisodiy sudlari (ishlarni birinchi instansiyada koʻrib chiqadi) tashkil etildi, sud majlisi kotibi lavozimi oʻrniga sudya katta yordamchisi, yordamchisi lavozimlari kiritildi va h.k (barcha oʻzgartirishlarning toʻliq sharhi – sharhda).
Tegishincha, amaldagi Xoʻjalik protsessual kodeksini ham foydalanilayotgan terminologiya qismida, ham u tomondan tartibga solinadigan odil sudlovni amalga oshirish qismida qayta koʻrib chiqish zarurati yuzaga keldi. Shu bois Iqtisodiy protsessual kodeks loyihasi ishlab chiqildi (21.02.2017 yildagi PF-4966-son Farmonda nazarda tutilgan). Portalimizda ushbu loyihaning sharhi, Oliy Majlis Qonunchilik palatasi deputatlarining sharhlari va uning mazmuniga bizning takliflarimiz mavjud.
Iqtisodiy protsessual kodeks 2018 yil 1 aprelda kuchga kiradi. Bu qonunosti hujjatlarini unga muvofiq keltirish, unga zid boʻlgan idoraviy hujjatlarni qayta koʻrib chiqish va bekor qilish imkonini beradi (Hukumatga tegishli topshiriqlar berilgan).
Ma’lumot uchun: Iqtisodiy protsessual kodeks Parlament tomonidan boshqa ikkita kodeks bilan bir qatorda tasdiqlangan: Fuqarolik protsessual kodeksi (22.01.2018 yildagi OʻRQ-460-son Qonun bilan tasdiqlangan, sharhga qarang) va Ma’muriy sud ishini yuritish toʻgʻrisidagi kodeks (rasman e’lon qilinishi kutilmoqda).
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov.
.png)
