24.01.2018 йилдаги ЎРҚ-461-сон “Ўзбекистон Республикасининг Иқтисодий процессуал кодексини тасдиқлаш ҳақида”ги Қонун Халқ сўзи газетасида эълон қилинди.
Эслатиб ўтамиз, Президентнинг 21.02.2017 йилдаги ПФ-4966-сон Фармони билан ўша пайтда фаолият кўрсатган Қорақалпоғистон Республикаси, вилоятлар ва Тошкент шаҳар хўжалик судлари (ишларни биринчи ва апелляция судларида кўриб чиқишарди) тегишли иқтисодий судларга айлантирилди; туманлараро, туман (шаҳар) иқтисодий судлари (ишларни биринчи инстанцияда кўриб чиқади) ташкил этилди, суд мажлиси котиби лавозими ўрнига судья катта ёрдамчиси, ёрдамчиси лавозимлари киритилди ва ҳ.к (барча ўзгартиришларнинг тўлиқ шарҳи – шарҳда).
Тегишинча, амалдаги Хўжалик процессуал кодексини ҳам фойдаланилаётган терминология қисмида, ҳам у томондан тартибга солинадиган одил судловни амалга ошириш қисмида қайта кўриб чиқиш зарурати юзага келди. Шу боис Иқтисодий процессуал кодекс лойиҳаси ишлаб чиқилди (21.02.2017 йилдаги ПФ-4966-сон Фармонда назарда тутилган). Порталимизда ушбу лойиҳанинг шарҳи, Олий Мажлис Қонунчилик палатаси депутатларининг шарҳлари ва унинг мазмунига бизнинг таклифларимиз мавжуд.
Иқтисодий процессуал кодекс 2018 йил 1 апрелда кучга киради. Бу қонуности ҳужжатларини унга мувофиқ келтириш, унга зид бўлган идоравий ҳужжатларни қайта кўриб чиқиш ва бекор қилиш имконини беради (Ҳукуматга тегишли топшириқлар берилган).
Маълумот учун: Иқтисодий процессуал кодекс Парламент томонидан бошқа иккита кодекс билан бир қаторда тасдиқланган: Фуқаролик процессуал кодекси (22.01.2018 йилдаги ЎРҚ-460-сон Қонун билан тасдиқланган, шарҳга қаранг) ва Маъмурий суд ишини юритиш тўғрисидаги кодекс (расман эълон қилиниши кутилмоқда).
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов.
