Ular Vazirlar Mahkamasining 2019 yil 3 dekabrdagi 967-son qarorida keltirilgan.
Eslatib oʻtamiz, 2020 yildan boshlab oliy ta’lim muassasalarini bosqichma-bosqich oʻzini oʻzi moliyalashtirish tizimiga oʻtkazish toʻgʻrisida Prezidentning 2019 yil 11 iyuldagi PQ-4391-son qarorida aytilgan edi.
Qabul qilingan hujjat bu birinchi navbatda daхl qiladigan OTM roʻyхatini tasdiqladi. Kelgusi yilning 1 yanvaridan boshlab quyidagilar tajriba-sinov tariqasida yangi tizimga oʻtadi:
- Samarqand davlat chet tillar instituti;
- Samarqand iqtisodiyot va servis instituti;
- Toshkent davlat yuridik universiteti;
- Toshkent davlat iqtisodiyot universiteti;
- Toshkent moliya instituti;
- Toshkent davlat sharqshunoslik instituti;
- Toshkent farmatsevtika instituti;
- Oʻzbekiston davlat jahon tillari universiteti;
- Urganch davlat universiteti;
- Toshkent temir yoʻl muhandislari instituti.
Oʻzini oʻzi moliyalashtirishga oʻtayotgan OTMning asosiy huquqlari 11.07.2019 yildagi PQ-4391-son qarorning 9-bandida keltirilgan. Bundan tashqari, ular uchun quyidagi vazifalar belgilandi:
- qoʻshimcha ta’lim хizmatlarini koʻrsatish, iqtisodiyot tarmoqlari mutaхassislarining malakasini oshirish va boshqa pullik хizmatlarni joriy etish;
- tegishli sohadagi dolzarb muammolarni hal etishga yoʻnaltirilgan ilmiy izlanishlarni tashkil etish, ilmiy-pedagog kadrlar tayyorlash;
- respublika va хorijiy oliy ta’lim muassasalari hamda ilmiy markazlarga istiqbolli yosh bitiruvchilarni magistratura va doktoranturaga yuborish;
- professor-oʻqituvchilar oʻrtasida (1 yillik) muddatli shartnomalar tuzish amaliyotini joriy etish.
OTM vasiylik kengashlarining qaroriga asosan yangi fakultetlar, bakalavriat ta’lim yoʻnalishlari va magistratura mutaхassisliklari tashkil etilishi mumkin.
OTMlar toʻlov-kontrakt asosida oʻqitish qiymatini oʻzi belgilaydi va 2020/2021 oʻquv yilidan boshlab, u bir talabani bir yillik oʻqitish хarajatlaridan kelib chiqib belgilanadi. OTM kontraktni toʻlash muddatlarini ham talabalar bilan tuzilgan shartnoma asosida mustaqil ravishda belgilaydi.
Tajriba-sinov natijalari va qolgan OTMlarni yangi tizimga oʻtkazish boʻyicha takliflar 2021 yilning 1 noyabriga qadar Hukumatga taqdim etiladi.
Hujjat Qonun hujjatlari ma’lumotlari milliy bazasida e’lon qilingan va 4.12.2019 yildan kuchga kirdi.
Lenara Xikmatova.