Президент 30 май куни тегишли қарорни имзолади.
Ўзбекистон мусулмонлари идорасининг қарорини инобатга олиб, 2019 йилда Рамазон ҳайитининг биринчи куни 5 июнь – чоршанба кунига тўғри келади. Шу муносабат билан ушбу кун мамлакатимизда Рамазон ҳайити байрами сифатида кенг нишонланади. Барча тадбирларнинг жойларда тартибли ҳамда халқимизнинг миллий ва диний анъаналарига муносиб тарзда, юқори даражада ўтиши юзасидан топшириқ берилди.
Эслатиб ўтамиз, Рўза ҳайит (Ийд ал-Фитр) диний байрамининг биринчи куни Меҳнат кодексининг 131-моддасига мувофиқ байрам (ишланмайдиган) кун ҳисобланади. Ушбу кун арафасида, яъни 4 июнь (сешанба) куни кундалик иш (смена) муддати барча ходимлар учун камида 1 соатга қисқартирилади (МКнинг 121-моддаси).
Бундан ташқари, Президентнинг 12.11.2018 йилдаги ПФ-5574-сон Фармони билан 1 июнь – шанба куни 6 июнь – пайшанба кунига кўчирилган, яъни 1 июнь шанба – иш куни, 6 июнь пайшанба эса – дам олиш куни. Бу белгиланган иш вақти режими сабабли шанба иш куни ҳисобланадиган 6 кунлик иш ҳафтасига эга ташкилотларга татбиқ этилмайди.
Олег Заманов.
.png)
