Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Бухгалтерияга доир барча янгиликлар buxgalter.uz сайтида!Мол-мулк солиғини унинг бозор қийматидан келиб чиқиб қайта ҳисоблаш бўйича талабномага қандай жавоб бериш лозим – buxgalter.uz да ўқингКонтрагентингиз ҚҚС тўловчиси эканлигини қандай билишингиз мумкин – buxgalter.uz да ўқингИш ҳақини якка тартибда ҳисобга олиш реестри қандай юритилади – buxgalter.uz да ўқингҚарз шартномаси бўйича фоизлар қарз қопланадиган санада тўланса, ДСИга қандай жавоб бериш лозим – buxgalter.uz

Болалар боғчаларининг фаолияти ўрганилиб, мақбуллаштирилади

15.05.2019

Рус тилида ўқиш

Вазирлар Маҳкамасининг 14.05.2019 йилдаги «Мактабгача таълим ташкилотлари фаолиятини янада такомиллаштириш чора-тадбирлари тўғрисида»ги 391-сон қарори шунга йўналтирилган.

 

Соҳа вазирлик ва идораларига давлат ихтисослаштирилган мактабгача таълим ташкилотлари фаолиятини ўрганиш ва уни мақбуллаштириш бўйича таклифларни Вазирлар Маҳкамасига киритиш вазифаси топширилди. 

 

Умумий типдаги давлат мактабгача таълим ташкилотларининг, кўп тармоқли ихтисослаштирилган мактабгача таълим ташкилотларининг ва қўшма типдаги мактабгача таълим ташкилотларининг намунавий штат бирликлари қайта кўриб чиқилади.

 

Шунингдек Нодавлат таълим хизматларини кўрсатиш соҳасидаги фаолиятни лицензиялаш тўғрисидаги низом қайта кўриб чиқилади.

 

2019 йил 1 июндан бошлаб давлат кўп тармоқли ихтисослаштирилган мактабгача таълим ташкилотлари раҳбарларининг, педагог ва тиббиёт ходимларининг лавозим маошлари ва базавий тариф ставкаларига 100 фоиз миқдорида қўшимча ҳақ тўланади. 2019 йил 1 сентябрдан бошлаб ушбу ташкилотлар тарбиячилари ёрдамчилари, қўшма типдаги давлат мактабгача таълим ташкилотларидаги ўсишида жисмоний ёки руҳий нуқсонлар бўлган болаларга мўлжалланган гуруҳларда ишлайдиган тарбиячилар, педагог ва тиббиёт ходимлари ёрдамчиларининг лавозим маошлари ва базавий тариф ставкаларига худди шундай миқдорда қўшимча ҳақ тўлана бошлайди.   

 

Ҳужжат билан қуйидагилар тасдиқланган:

  • Умумий типдаги давлат ва нодавлат мактабгача таълим ташкилотлари тўғрисидаги низом;
  • Мактабгача таълим ташкилотларидаги қисқа муддатли гуруҳлар тўғрисидаги низом;
  • Кўп тармоқли ихтисослаштирилган мактабгача таълим ташкилотлари ва қўшма типдаги мактабгача таълим ташкилотлари тўғрисидаги низом;
  • Болаларни кўп тармоқли ихтисослаштирилган мактабгача таълим ташкилотларига ва қўшма типдаги мактабгача таълим ташкилотларига йўллаш бўйича тиббий-психологик-педагогик комиссия тўғрисидаги низом.

 

Ҳужжатларда ушбу ташкилотларнинг мақсад ва вазифалари, уларни ташкил этиш, қайта ташкил этиш, тугатиш тартиби, ҳуқуқлари, мажбуриятлари ва жавобгарлиги, болаларни қабул қилиш ва ундан чиқариш, молиялаштириш ва бошқалар қайд этилган.

 

Ҳужжат Қонун ҳужжатлари маълумотлари миллий базасида эълон қилинган ва 14.05.2019 йилдан кучга кирди.

 

Константин Мосин.

 

Валюталар курси

2019-05-14
  • USD:8458.16 (+9.27) сум
  • EUR:9501.05 (+38.29) сум
  • RUB:129.74 (--0.07) сум