Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Мол-мулк солиғини унинг бозор қийматидан келиб чиқиб қайта ҳисоблаш бўйича талабномага қандай жавоб бериш лозим – buxgalter.uz да ўқингВоситачи ҚҚСни қўшимча ҳисоблаш тўғрисидаги ДСИ талабномасига қандай жавоб бериши лозим - buxgalter.uz да ўқингКим фойда солиғини пасайтирилган ставкада тўлайди - buxgalter.uz да ўқингАгар таътилдан чақириб олишса, нима қилиш керак - buxgalter.uz да ўқинг

Ким йирик солиқ тўловчи ҳисобланади

21.06.2018

Рус тилида ўқиш


ДСҚнинг қарори (рўйхат рақами 3023, 18.06.2018 й.) билан Юридик шахсларни йирик солиқ тўловчилар тоифасига киритишнинг мезонларини белгилаш тўғрисидаги низом тасдиқланди.

 


 

Таҳририятдан: ушбу ҳужжат ва 75 000 та бошқа норматив-ҳуқуқий ҳужжатлар тушунтиришлари билан бирга «ЎзР қонунчилиги» АҚТда жамланган. Намойиш версиясини бу ерда юклаб олинг (32,1 МБ).

 


 


Эслатиб ўтамиз, Президентнинг 18.07.2017 йилдаги ПФ-5116-сон Фармонига биноан йирик солиқ тўловчилар бўйича солиқ маъмуриятчилиги Қорақалпоғистон, вилоятлар ва Тошкент шаҳар давлат солиқ бошқармалари томонидан амалга оширилиши назарда тутилган.

 

Қабул қилинган ҳужжатда белгиланишича, юридик шахсларни йирик солиқ тўловчилар тоифасига киритиш учун олдинги солиқ даври якуни бўйича қуйидаги мезонларга бир вақтнинг ўзида мос келадиган юридик шахслар танлаб олинади:

  • солиқ даври якуни билан ҳисобланган солиқлар ва бошқа мажбурий тўловлар суммаси ЭКИҲнинг 200 минг бараваридан кам бўлмаган (материал эълон қилинган пайтда – 34 млрд 448 млн сўм);
  • товар айланмаси ҳажми ЭКИҲнинг 300 минг бараваридан кам булмаган (материал эълон қилинган пайтда – 51 млрд 672 млн сўм);
  • жами активлари қиймати ЭКИҲнинг 100 минг бараваридан кам бўлмаган (материал эълон қилинган пайтда – 17 млрд 224 млн сўм).

 

Бунда энг кам иш ҳақи (ЭКИҲ) миқдори йирик солиқ тўловчилар тоифасини аниқлаш учун танланган солиқ даври якунида белгиланган энг кам иш ҳақи миқдоридан келиб чиққан ҳолда ҳисобга олинади. Йирик солиқ тўловчилар тоифасига киритиш солиқ органларига тақдим этилган солиқ ҳамда молиявий ҳисоботлар асосида амалга оширилади.

 

Йирик солиқ тўловчилар рўйхати ҳар йили кейинги солиқ даври бошлангунга қадар бир ойдан кечикмай Давлат солиқ қўмитаси томонидан тасдиқланади. Йирик солиқ тўловчилар рўйхатига киритилган юридик шахслар Қорақалпоғистон, вилоятлар ва Тошкент шаҳар давлат солиқ бошқармалари томонидан тегишли қарор қабул қилинган кундан эътиборан 5 кун ичида бу ҳақда ҳисобга қўйилган жой бўйича ёзма равишда, шу жумладан солиқ тўловчининг шахсий кабинети орқали хабардор қилинади.

 

Агар юридик шахс солиқ даври якуни бўйича йирик солиқ тўловчиларга қўйиладиган мезонларга жавоб бермаса, у навбатдаги бир йил мобайнида йирик солиқ тўловчилар тоифасида қолади. Ташкилот йирик солиқ тўловчилар рўйхатидан чиқарилганлиги тўғрисидаги хабарномани олмагунга қадар йирик солиқ тўловчилар тоифасида қолади.

 

Самир Латипов.

 

В этой теме действует премодерация комментариев.
Вы можете оставить свой комментарий.

info! Оставляя свой комментарий на сайте, Вы соглашаетесь с нашими Правилами их размещения.
Гость_