Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
buxgalter.uz да янги:Айланмадан олинадиган солиққа қандай ўтиладиҲисоб сиёсатида назарда тутилмаган ҚҚСни ҳисобга олиш усулини қандай қўллаш мумкин

Мактабгача таълим вазирлиги тизими кенгайтирилди

28.05.2021

Рус тилида ўқиш

Вазирлар Маҳкамаси томонидан 20.05.2021 йилдаги «Мактабгача таълим ва тарбия тўғрисида»ги Қонун (16.12.2019 йилдаги ЎРҚ-595-сон) қабул қилиниши муносабати билан ҳукуматнинг айрим қарорларига ўзгартиришлар ва қўшимчалар киритиш тўғрисидаги 320-сон қарор қабул қилинди.

 

Хусусан, ВМнинг 21.11.2017 йилдаги «Ўзбекистон Республикаси Мактабгача таълим вазирлиги тўғрисидаги низомни ҳамда Мактабгача таълим муассасалари раҳбар ва мутахассисларини қайта тайёрлаш ва уларнинг малакасини ошириш институти уставини тасдиқлаш ҳақида»ги 929-сон қарорининг 9-банди қуйидаги таҳрирда баён этилди:

 

Вазирлик тизимига қуйидагилар киради:

  • Вазирликнинг марказий аппарати;
  • ҳудудий бўлинмалар;
  • Мактабгача таълим ташкилотлари директор ва мутахассисларини қайта тайёрлаш ва уларнинг малакасини ошириш институти;
  • «Ilk Qadam» журнали таҳририяти;
  • давлат мактабгача таълим ташкилотлари;
  • Ахборот ва педагогика технологиялари инновацион маркази;
  • Мактабгача таълимни ривожлантириш жамғармаси;
  • Ихтисослаштирилган лойиҳа-изланиш институти;
  • Инфратузилмани ривожлантириш бўйича инжиниринг компанияси;
  • Мактабгача таълим вазирлигининг педагогика коллежлари.

 

30.07.2018 йилдаги 595-сон ВМҚ билан тасдиқланган Оилавий нодавлат мактабгача таълим муассасалари ҳамда оилавий нодавлат мактабгача таълим муассасалари фаолияти бўйича рухсатнома бериш тартиби тўғрисидаги низомларга ўзгартиришлар киритилди.

 

25 нафаргача болани (амалдаги вариантда –12 нафаргача болани) тарбиялашни назарда тутувчи оилавий нодавлат мактабгача таълим муассасаларини моддий-техник ва методик жиҳатдан таъминлаш шаклидаги давлат-хусусий шериклик лойиҳаси хусусий шерикнинг ташаббуси билан, танлов ўтказилмай ва тақдим этилган ҳужжатларни ўрганиш асосида улар билан тўғридан-тўғри музокаралар ўтказиш орқали амалга оширилади.

 

ДХШ тўғрисидаги шартномани тузиш механизмлари, хусусан, ариза тақдим этиш, ҳужжатларни кўриб чиқиш босқичлари ва бошқалар батафсил баён этилди.

 

Амалдаги норматив-ҳуқуқий ҳужжатларга бошқа ўзгартиришлар ва қўшимчалар ҳам киритилди, шунингдек ўз кучини йўқотган ҳужжатлар рўйхати тасдиқланди.

 

Ҳужжат Қонун ҳужжатлари маълумотлари миллий базасида эълон қилинган ва 21.05.2021 йилдан кучга кирди.

 

Лола Абдуазимова.


Валюталар курси

2021-12-02
  • USD:10766.49 (+0.00) сум
  • EUR:12194.13 (+0.00) сум
  • RUB:145.60 (+0.00) сум