Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
buxgalter.uz да янги:Ишдан бўшатишда фойдаланилмаган таътил учун компенсация қандай ҳисоблаб чиқариладиАлоҳида ҳолатларда реализация қилишдан даромад қандай аниқланадиАгар норезидент билан контрактда ишга тушириш-созлаш хизматлари қиймати ёзилмаган бўлса, солиқ қандай ҳисоблаб чиқариладиҚурилиш материаллари ишлаб чиқарувчилар имтиёзлар олишди

«Орол артемия саноат» ДУК ташкил этилди

14.07.2020

Рус тилида ўқиш

Вазирлар Маҳкамаси 11.07.2020 йилдаги «Қорақалпоғистон Республикаси Мўйноқ тумани ҳокимлиги ҳузурида «Орол артемия саноат» давлат унитар корхонаси фаолиятини ташкил этиш тўғрисида»ги 438-сон қарорни қабул қилди.

 

Қуйидагилар корхонанинг асосий вазифалари этиб белгиланди:

  • Орол денгизидаги артемия цистаси ресурсларидан қонун ҳужжатларида белгиланган тартибда оқилона фойдаланиш;
  • артемия цистасини овлаш ва қайта ишлашни комплекс ривожлантириш дастурларини амалга ошириш, ушбу соҳада илмий-техник, технологик, инвестиция ва экспорт фаолиятини юритиш;
  • артемия цистасининг табиий ўсиш майдонларидан оқилона фойдаланган ҳолда уларни овлаш ва қайта ишлаш ҳажмларини босқичма-босқич ошириб бориш;
  • артемия цистасини саноат асосида чуқур қайта ишлаш ҳамда улардан юқори қўшилган қийматга эга бўлган экспортбоп маҳсулотлар ишлаб чиқариш;
  • артемия цистасини овлаш ҳамда уни қайта ишлаш бўйича янги қувватларни ташкил этишда илғор технологияларни жорий этиш.

 

Қорақалпоғистон Вазирлар Кенгаши «Орол артемия саноат» ДУКнинг муассиси ҳисобланади.

 

Мўйноқ тумани ҳокимлиги ҳузуридаги корхонанинг тузилмаси иловага мувофиқ тасдиқланди.

 

Қорақалпоғистон Республикаси Вазирлар Кенгашига бир ой муддатда «Орол артемия саноат» ДУКнинг уставини тасдиқлаш, унинг белгиланган тартибда давлат рўйхатидан ўтказилишини, шунингдек зарур маъмурий ва ишлаб чиқариш биноларига жойлаштирилиши таъминлаш вазифаси топширилди.

 

Ҳужжат Қонун ҳужжатлари маълумотлари миллий базасида эълон қилинган ва 11.07.2020 йилдан кучга кирган.

 

Баҳодир Қаюмов.


Валюталар курси

2021-06-14
  • USD:10597.04 (+0.00) сум
  • EUR:12879.64 (+0.00) сум
  • RUB:147.91 (+0.00) сум

Янги сонларда ўқинг