Президентнинг 21.01.2021 йилдаги ПҚ-4958-сон қарори билан Ўзбекистон Республикаси Ҳукумати билан Германия Федератив Республикаси Ҳукумати ўртасида махфий ахборотни алмашиш ва ўзаро муҳофаза қилиш тўғрисидаги битим тасдиқланди.
Битим 2019 йил 28 май куни Тошкент шаҳрида имзоланган. Давлат хавфсизлик хизмати Битимни амалга ошириш юзасидан масъул ваколатли орган этиб белгиланган.
Ташки ишлар вазирлигига Германия томонига Битим кучга кириши учун Ўзбекистон томонидан зарур бўлган давлат ички процедуралари бажарилганлиги тўғрисидаги тегишли билдиришномани юбориш топширилган.
Ҳужжат Қонун ҳужжатлари маълумотлари миллий базасида эълон қилинган ва 22.01.2021 йилдан кучга кирди.
Эльмира Сиразиева.
