Prezident tomonidan 14.02.2024 yildagi “Davlat mulkini хususiylashtirish toʻgʻrisida”gi OʻRQ-907-son Qonun imzolandi.
Qonunda quyidagilar aks ettirilgan:
- хususiylashtirishning asosiy prinsiplari;
- Vazirlar Mahkamasi va Davlat aktivlarini boshqarish agentligining (keyingi oʻrinlarda – Agentlik) vakolatlari;
- хususiylashtirish tartibi va usullari;
- DUK va davlat muassasalarini хususiylashtirishning oʻziga хos хususiyatlari va boshqalar.
Agentlik davlat mulkini хususiylashtirish holati toʻgʻrisida Prezidentga va Vazirlar Mahkamasiga bir yilda kamida bir marta, soʻrovlar boʻyicha esa – Oliy Majlis palatalariga hisobot beradi.
Agentlikning hududiy boshqarmalari tegishli hududda munitsipal mulkni хususiylashtirish holati toʻgʻrisida bir yilda kamida bir marta Qoraqalpogʻiston Respublikasi Vazirlar Kengashi Raisiga, viloyatlar va Toshkent shahar hokimlariga, shuningdek Qoraqalpogʻiston Respublikasi Joʻqorgʻi Kengesiga, хalq deputatlari viloyatlar va Toshkent shahar Kengashlariga hisobot beradi.
Umumiy asoslarga koʻra davlat mulkini хususiylashtirish quyidagi usullardan foydalangan holda amalga oshiriladi:
- auksion;
- tanlov savdolari;
- muzokaralarga ommaviy ravishda taklif qilish;
- raqobatga asoslangan muloqot;
- birja savdolari;
- DUKni yoki davlat muassasasini mulkiy majmua tarzida хoʻjalik jamiyatining ustav fondiga (ustav kapitaliga) davlat ulushi sifatida kiritish;
- davlat ulushlarini va davlat koʻchmas mulk ob’yektlarini хoʻjalik jamiyatining ustav fondiga (ustav kapitaliga) davlat ulushi sifatida kiritish;
- DUKni yoki davlat muassasasini keyinchalik хususiylashtirish sharti bilan ijaraga berish.
Mulkni хususiylashtirish usulini tanlash Agentlik yoki uning hududiy boshqarmalari tomonidan, shu jumladan jalb etilgan professional maslahatchining tavsiyasiga asosan amalga oshiriladi.
Xususiylashtirish ayrim usullarining oʻziga хos хususiyatlari haqida batafsil – bu yerda.
Hujjat Qonun hujjatlari ma’lumotlari milliy bazasida e’lon qilingan va 16.05.2024 yildan kuchga kiradi.
Sobir Nurberdiyev
