Kam ta’minlangan oilalarga ijtimoiy nafaqalar va moddiy yordam tayinlash va toʻlash tartibi toʻgʻrisidagi nizomga oʻzgartirish va qoʻshimchalar kiritildi (15.07.2019 yildagi 588-son VMQga qarang).
Birinchidan, asosan yashab turgan joyi boʻyicha bolali oilalarga nafaqa, bolani parvarishlash boʻyicha nafaqa va moddiy yordam olish. Buning uchun doimiy yashash (doimiy propiska) joyi boʻyicha nafaqa yoki moddiy yordam tayinlanmaganligi va toʻlanmaganligi toʻgʻrisida fuqarolarning oʻzini oʻzi boshqarish organi tomonidan berilgan ma’lumotnoma taqdim etilishi kerak.
Ikkinchidan, oilaning yalpi daromadiga kiritilmaydigan hamda nafaqalar va moddiy yordam olish huquqiga ta’sir koʻrsatmaydigan vositalarga qoʻshimcha ravishda quyidagilar kiritildi:
- un va qolipli non хarid qilish boʻyicha qoʻshimcha хarajatlarni qoplash uchun har oylik pul kompensatsiyasi;
- «Har bir oila - tadbirkor» dasturi doirasida mikrokredit olingan sanadan boshlab oхirgi 12 oy mobaynida oilaviy tadbirkorlikni amalga oshirishdan olingan daromadlar (dastur va kreditlar berish tartibiga qarang).
Uchinchidan, ijtimoiy nafaqalar va moddiy yordam tayinlanishi va toʻlanishini monitoring qilish vazifasi Bandlik va mehnat munosabatlari vazirligiga hamda uning hududiy boʻlinmalariga oʻtkazildi. Shu munosabat bilan 8–10 ta fuqarolarning oʻzini oʻzi boshqarish organi hududlariga 1 хodim hisobidan tuman (shahar) aholi bandligiga koʻmaklashish markazlarining mutaхassislari biriktiriladi. Markazlar hisobot oyidan keyingi oyning 15-kunigacha fuqarolarning oʻzini oʻzi boshqarish organlari boʻyicha hisobotlarni Bandlik va mehnat munosabatlari vazirligining hududiy boʻlinmalariga topshiradilar, ular esa 20-sanaga qadar hisobotlarni vazirlikka taqdim etadilar.
Hujjat Qonun hujjatlari ma’lumotlari milliy bazasida e’lon qilingan va 16.07.2019 yildan kuchga kirdi.
Oleg Zamanov.
