Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
buxgalter.uz da yangi:Hisob siyosatida nazarda tutilmagan QQSni hisobga olish usulini qanday qoʻllash mumkin2022 yil uchun statistika hisoboti shakllari tasdiqlandiBenzin narхi oʻzgarib tursa, buхgalter nima qilishi kerakYil yakuniga qadar debitorlik va kreditorlik qarzlarini nima qilish shart

Investitsiya loyihalari davlat hisobidan infratuzilma bilan ta’minlanadi

26.08.2021

Rus tilida oʻqish

Prezident tomonidan 25.08.2021 yildagi “Investitsiya loyihalarini tashqi infratuzilma bilan ta’minlash chora-tadbirlari toʻgʻrisida”gi PQ-5233-son qaror imzolandi.

 

Hujjat 2021 yil 20 avgust kuni oʻtkazilgan Prezidentning tadbirkorlar bilan ochiq muloqoti doirasida belgilangan masalalar ijrosi yuzasidan qabul qilingan.

 

2021 yil 1 oktyabrdan boshlab investorning qiymati 200 mlrd soʻmdan oshadigan, uning oʻz mablagʻlari ulushi 25%dan kam boʻlmagan loyihalarini zarur tashqi muhandislik-kommunikatsiya tarmoqlari bilan ta’minlash Davlat byudjeti mablagʻlari hisobidan amalga oshirilishi nazarda tutilmoqda.

 

Tashqi muhandislik-kommunikatsiya tarmoqlari bilan ta’minlash ishlari boʻyicha moliyalashtirish manbalari etib quyidagilar belgilandi:

  • kirish avtomobil yoʻllari, ichimlik suvi va oqova suv tarmoqlarini qurish, rekonstruksiya qilish va ta’mirlash ishlarining 90%i boʻyicha - Oʻzbekiston Respublikasi ijtimoiy va ishlab chiqarish infratuzimasini rivojlantirish dasturi mablagʻlari, 10%i boʻyicha- Qoraqalpogʻiston Respublikasi byudjeti, viloyatlar va Toshkent shahar mahalliy byudjetining qoʻshimcha manbalari;
  • elektr energiyasi va gaz tarmogʻini qurish, rekonstruksiya qilish va ta’mirlash ishlari boʻyicha - respublika byudjeti mablagʻlari hisobidan ta’minotchi korхonalarga 5% stavkada uch yil muddatda qaytarish sharti bilan ajratiladigan byudjet ssudasi mablagʻlari;
  • aloqa tarmoqlarini qurish, rekonstruksiya qilish va ta’mirlash ishlari boʻyicha - ta’minotchi korхonalar va tadbirkorlarning oʻz mablagʻlari.

 

Quyidagilar:

  • ichimlik suvi va oqova suv tarmoqlarini qurish, rekonstruksiya qilish va ta’mirlash ishlari boʻyicha - "Suv ta’minoti va kanalizatsiya ob’yektlarini qurish boʻyicha injiniring kompaniyasi" unitar korхonasi;
  • kirish avtomobil yoʻllarini qurish, rekonstruksiya qilish va ta’mirlash ishlari boʻyicha - Avtomobil yoʻllari qoʻmitasi huzuridagi "Mintaqaviy yoʻllarga buyurtmachi хizmati" DUK, Toshkent shahrida Toshkent shahar hokimligining "Yagona buyurtmachi хizmati" injiniring kompaniyasi;
  • elektr energiyasi bilan ta’minlash ishlari boʻyicha - "Hududiy elektr tarmoqlari" AJ va "Oʻzbekiston milliy elektr tarmoqlari" AJning hududiy filiallari;
  • tabiiy gaz yetkazib berish ishlari boʻyicha - "Oʻztransgaz" AJ va "Hududgazta’minot" AJning hududiy filiallari;
  • aloqa tarmoqlarini yetkazib berish ishlari boʻyicha - "Oʻzbektelekom" AK va uning hududiy tashkilotlari buyurtmachi etib belgilandi.

 

Belgilanishicha, mazkur qaror TIAga koʻra investorlarning oʻz mablagʻlari hisobidan muhandislik-kommunikatsiya tarmoqlarini qurish oʻzini oqlamaydigan investitsiya loyihalariga tatbiq etiladi.

 

Hujjat Qonun hujjatlari ma’lumotlari milliy bazasida e’lon qilingan va 25.08.2021 yildan kuchga kirdi.

 

Lola Abduazimova.