20 мартдан бошлаб Ўзбекистонда алкоголь маҳсулотлари (пиводан ташқари) учун энг кам улгуржи-сотиш ва чакана нархлар оширилди.
Янги нархлар Молия вазирлиги ва ДСҚнинг қўшма қарори билан тасдиқланди (рўйхат рақами 3288, 20.03.2021 й.).
1 литр тайёр маҳсулот учун энг кам улгуржи-сотиш ва чакана нархлар қуйидагиларни ташкил этади:
- вино – 11 200 / 13 200 сўм (илгари 9 400 / 11 200 сўм);
- коньяк – 41 200 / 49 400 сўм (илгари 33 000 / 39 000 сўм);
- ароқ ва бошқа алкоголь маҳсулотлари – 28 600 / 34 400 сўм (илгари 24 000 / 28 500 сўм).
Алкоголь маҳсулотлари нархлари ўтган йилнинг октябрь ойида оширилган эди.
Ҳужжат Қонун ҳужжатлари маълумотлари миллий базасида эълон қилинган ва 20.03.2021 йилдан кучга кирди.
Эльмира Сиразиева.
