Президент томонидан “Ўзбекистон Республикасининг Жиноят ҳамда Жиноят-ижроия кодексларига ўзгартиш ва қўшимчалар киритиш тўғрисида”ги Қонун (23.03.2023 йилдаги ЎРҚ-825-сон Қонун) имзоланди.
Жиноят кодексига ўзгартириш киритилди, унга асосан муддатидан илгари шартли равишда озод этиш маҳкум оғир жинояти учун жазо муддатининг камида учдан икки қисмини (илгари у ярмини ташкил этган), ўта оғир жинояти учун эса – камида тўртдан уч қисмини (илгари учдан икки қисмини ташкил этган) ўтаб бўлганидан кейин қўлланилиши керак.
Кўрсатилган жиноятлар учун жазони енгилроғи билан алмаштириш маҳкум тегишли оғир жинояти учун жазо муддатининг камида ярмини (илгари – учдан бири) ва ўта оғир жинояти учун учдан икки қисмини (илгари – ярми) ўтаб бўлганидан кейин қўлланилади.
Жиноят-ижроия кодексига маҳкумларни кино, фото, видеотасвирга туширишга ва улардан интервью олишга уларнинг ёзма розилиги билан бир қаторда, жазони ижро этувчи органнинг рухсати олиниши кераклиги тўғрисидаги талаб киритилди.
Маҳкумларга нисбатан навбатдаги учрашувдан маҳрум қилиш тарзидаги интизомий жазо чораси жорий этилди.
Сақлаш режимини ашаддий бузувчи деб топилган маҳкумларга нисбатан судга қуйидагилар тўғрисида тақдимнома киритилади:
- манзил-колониядан умумий тартибли колонияга, умумий, қаттиқ ёки махсус тартибли колониялардан – турмага ўтказиш тўғрисида;
- манзил-колониядан умумий ёки қаттиқ тартибли колонияга, қаттиқ тартибли колониядан – махсус тартибли колонияга, колониядан – турмага қайтариш ҳақида.
Илгари мазкур тартиб-таомиллар жазони ижро этиш муассасалари томонидан интизомий жазо сифатида қўлланилган.
Ҳужжат Қонун ҳужжатлари маълумотлари миллий базасида эълон қилинган ва 23.03.2023 йилдан кучга кирди.
Лола Абдуазимова.
