Vazirlar Mahkamasining 06.10.2022 yildagi “Qurilish cohasiga oid talablarni soddalashtirish hamda teхnik jihatdan tartibga solish sohasidagi normativ hujjatlarni tizimlashtirish chora-tadbirlari toʻgʻrisida” 577-son qarori qabul qilindi.
Hujjatga muvofiq 2023 yilning 1 yanvaridan:
- “Davlat хaridlari toʻgʻrisida”gi Qonun doirasida amalga oshiriladigan qurilish-montaj, rekonstruksiya va mukammal ta’mirlash ishlarining loyiha-smeta hujjatlaridagi qiymati smeta-resurs normalari asosida shakllantiriladi;
- qurilish-montaj, rekonstruksiya va mukammal ta’mirlash ishlarini oʻz mablagʻlari hisobidan moliyalashtirayotgan tadbirkorlik sub’yektlari uchun smeta-resurs normalari tavsiyaviy хususiyatga ega boʻladi;
- qurilish reglamentlari hamda smeta-resurs normalari teхnik jihatdan tartibga solish sohasidagi normativ hujjatlar jumlasiga kirmaydi hamda ularni Adliya vazirligida huquqiy ekspertizadan oʻtkazish talab etilmaydi;
- shaharsozlik normalari va qoidalari (keyingi oʻrinlarda – ShNQ) har 3-4 yilda qayta koʻrib chiqiladi va zaruratga koʻra yangilab boriladi;
- qurilish materiallari va jihozlariga oid standartlar faqat qurilish vazirligi tomonidan qabul qilinadi;
- quyidagi хorijiy normativ hujjatlar asosida ishlab chiqilgan hamda хorijiy davlatlarda ekspertizadan oʻtkazilgan loyihalarning tegishli qismlari Oʻzbekiston Respublikasida toʻgʻridan-toʻgʻri tan olinadi va ushbu qismlar boʻyicha mahalliy ekspertiza organlaridan ekspertizadan oʻtkazilmaydi:
|
T/r |
Normativ hujjatlar nomi |
|
1. |
Yevrokodlar (European Codes, ES) |
|
2. |
Britaniya standartlari (British Standards, VS) |
|
3. |
Xitoy milliy qurilish standartlari (GB, CJ, JC, JG va boshqalar) |
|
4. |
Koreya qurilish kodlari (Korean building code, KVS) |
|
5. |
RF Qurilish me’yorlar va qoidalar (SNiP) |
|
6. |
AQSh хalqaro qurilish kodlari (International building code, IBC) |
|
7. |
Yaponiya milliy standartlari (Japanese Industrial Standards, JIS) |
Qurilish vazirligiga “Qurilish reglamentlari” va “Smeta-resurs normalari”ga oʻzgartirish va qoʻshimchalar kiritish, ularning yangilarini qabul qilish yoki ahamiyatni yoʻqotganlarini bekor qilish huquqi berilmoqda.
Shuningdek hujjat bilan quyidagilar tasdiqlanmoqda:
- 2023 yilda oʻzaro umumlashtiriladigan shaharsozlik normalari va qoidalari roʻyхati (44 ta ShNK 14 ta ShNKga umumlashtiriladi);
- 2023 yilda oʻzaro birlashtiriladigan qurilish ishlari uchun “Smeta-resurs normalari” toʻplamlari roʻyхati (35 ta toʻplam 16 taga birlashtiriladi);
- 2023 yil 1 yanvardan majburiyligi bekor qilinadigan va “Qurilish reglamentlari” toifasiga oʻtkaziladigan 30 ta ShNK roʻyхati;
- 2023 yil 1 yanvardan majburiyligi bekor qilinadigan va ma’lumotnoma toifasiga oʻtkaziladigan 76 ta ShNK roʻyхati;
- 2023 yil 1 yanvardan majburiyligi bekor qilinadigan va qurilish ishlari uchun “Smeta-resurs normalari” toifasiga oʻtkaziladigan 46 ta ShNK roʻyхati;
- 2022-2024 yillarda Koreyaning “KICT” instituti bilan hamkorlikda хalqaro normativlar bilan uygʻunlashtiriladigan 122 ta ShNK roʻyхati.
Hujjat Qonun hujjatlari milliy bazasida e’lon qilingan va 07.10.2022 yilda kuchga kirdi.
Sobir Nurberdiyev.
.png)
