2025 йилда 1 млн нафар аҳоли камбағалликдан чиқарилади
2024 йил 1 декабрдан Камбағал оилалар реестри юритилади.
Маҳаллалар инфратузилмасини яхшилаш учун 3,2 трлн сўм йўналтирилади
“Камбағалликдан фаровонлик сари” дастурини амалга ошириш бўйича чора-тадбирлар тасдиқланди.
Олиб чиқилаётган қимматбаҳо металлар ҳақидаги маълумотлар махсус тизимга киритилади.
Божхона қўмитаси ҳар ойда мазкур маълумотларни Статистика агентлигига тақдим этиб боради.
Атамалар комиссияси олдида қандай вазифалар турибди
Улардан бири - янги илмий асосланган сўз ва атамаларни расмий муомалага киритиш.
Айрим норматив-ҳуқуқий ҳужжатлар Конституцияга мувофиқлаштирилди
Уларга оммавий ахборот воситалари фаолияти ва инсоннинг асосий ҳуқуқ ва эркинликлари билан боғлиқ ўзгартиришлар киритилди.
Оториноларингология йўналиши бўйича илмий лабораториялар ташкил этилмоқда
Улар Давлат бюджети маблағлари ҳисобидан молиялаштирилади.
Жисмоний шахсларни тиббиёт муассасаларига ҳисобга қўйишда давлат хизматини кўрсатиш регламенти тасдиқланди
У Соғлиқни сақлаш вазирлиги тизимидаги бирламчи тиббий-санитария муассасаларига – кўп тармоқли марказий, оилавий поликлиникаларга, оилавий шифокор пунктларига нисбатан татбиқ этилади.
Иккита солиқ имтиёзи бекор бўлмоқда
Крипто-активлар айланмаси бўйича солиқлардан озод қилиш муддати белгиланмоқда.
Таълим кредити кимларга берилади
Ҳукуматнинг айрим қарорларига олий ва профессионал таълим ташкилотлари талабалари ҳамда ўқувчиларига таълим кредити ажратиш тартибини такомиллаштиришга қаратилган ўзгартиришлар киритилди.
Улгуржи савдо корхоналари учун алкоголь маҳсулотларини энг кам сотиш нархи белгиланмоқда
Иқтисодиёт ва молия вазирлиги ҳамда Солиқ қўмитасининг “Алкоголь маҳсулотлари учун энг кам сотиш нархларини қайта кўриб чиқиш тўғрисида”ги қўшма қарори қабул қилинди.
Оммавий тадбирларни ўтказиш қоидаларига ўзгартиришлар киритилди
Шунингдек, оммавий тадбирлар ўтказиш учун Рухсатномага ҳам қўшимчалар киритилди.
Ҳакамлик судларини рўйхатдан ўтказиш ва ҳисобга олиш фақат ДХМ ва ЯИДХП орқали амалга оширилади
Хусусий нотариусларни ҳисоб рўйхатига олиш, ННТларнинг чет эл фуқаролари бўлган ходимларини аккредитация қилиш ва уларнинг рамзларини рўйхатдан ўтказиш учун ҳам худди шу тартиб белгиланган.
Ипакчилик илмий-тадқиқот институти ҳузурида наслли уруғчилик станциялари ташкил этилди
Уларнинг асосий вазифалари – ипак қуртининг юқори сифатли элита уруғларини тайёрлаб, уруғчилик корхоналарини улар билан таъминлаш.
Пахта хомашёси етиштирувчиларига субсидия тўланади
Улар пахта етиштирувчилар томонидан 2024 йил ҳосили пахта хомашёсини етиштириш учун олинган имтиёзли кредитлар, солиқлар ва бошқа мажбурий тўловлар бўйича қарздорликларини сўндиришга йўналтирилади.
Товар-хомашё биржалари учун янги талаблар белгиланди
2025 йил 1 июлга қадар уларнинг устав капитали 200 млрд сўмга етказилиши лозим.
Қишлоқ хўжалигини давлат томонидан қўллаб-қувватлаш жамғармасининг асосий вазифалари аниқлаштирилди
Қишлоқ хўжалигида эркин бозор муносабатлари жорий этилиши муносабати билан бир қатор МҲҲга ўзгартиришлар киритилди.
Соғлиқни сақлаш: COVID-19га қарши шошилинч чораларни кўриш лойиҳаси амалга оширилмоқда
Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси мазкур лойиҳа учун ажратилган хорижий қарздан мақсадли ва самарали фойдаланиш бўйича масъул ижро этувчи орган деб белгиланди.
Туризмни қўллаб-қувватлаш жамғармаси модулли меҳмонхоналарни очиш учун субсидия тўлайди
Вазирлар Маҳкамаси томонидан модулли меҳмонхонани қуриш ва жиҳозлаш учун субсидия ажратишнинг Вақтинчалик тартиби тасдиқланди.
Дарё ўзанларида қум-шағал қазиб олишга муддатсиз мораторий жорий этилди
Норуда материалларни қазиб олиш билан шуғулланувчи корхоналар атроф-муҳитга таъсирини камайтириш учун махсус саноат ёки кичик саноат зоналарига кўчирилиши лозим.
Кўчмас мулк объектларининг кадастр рақамларига тузатиш киритилади
Ўзбекистон Республикаси ҳудудларини кадастр бўйича бўлиш ва кўчмас мулк объектларининг кадастр рақамларини шакллантириш тартиби тўғрисидаги низом тасдиқланди.
Метрология: ўлчаш натижалари давлат аҳамиятига эга бўлган ўлчаш воситалари туркумларининг рўйхати тасдиқланди
Рўйхат 179 та номдан иборат.
Ҳудудларда камбағалликни қисқартириш бўйича прокуратура бўлинмалари ташкил этилади
Бош прокурорнинг камбағалликни қисқартириш ва аҳолини ижтимоий ҳимоя қилиш соҳасидаги қонунчиликка риоя этилиши ва унинг ижроси устидан назоратга масъул бўлган яна бир нафар ўринбосари бўлади.
Хотин-қизларни қўллаб-қувватлашнинг янги механизми жорий этилди
Хусусан, жорий йилнинг октябрь ойидан бошлаб Хотин-қизлар муаммоларини ўрганиш ва тизимли ҳал этиш модули ишга туширилади.
Асосий ставка йиллик 13,5% даражасида қолдирилди
Инфляцияни йил якунида прогноз кўрсаткичларига қадар ва ўрта муддатли даврда 5 фоизлик таргет даражасигача пасайтириш мақсадида МБ бундай қарорни қабул қилди.
Давлат тиббий суғуртаси босқичма-босқич жорий этилади
Тиббий ёрдамнинг кафолатланган пакетига киритилган хизматларни кўрсатишга давлат ва нодавлат тиббиёт ташкилотлари жалб этилади.
Интеллектуал мулк: зарарларни қоплаш ўрнига – компенсация
Интеллектуал мулк объектидан ноқонуний фойдаланилганда ҳуқуқ эгаси энди БҲМнинг 20 бараваридан 1000 бараваригача миқдорда товон тўланишини талаб қилиши мумкин.
Ер участкаси қийматини бўлиб-бўлиб тўлаш мумкин
Янги реализация қилинган ер участкаларига нисбатан ер солиғи ставкаси 50 % миқдорида қўлланади.
Шаҳарсозлик кодекси такомиллаштирилди
Шаҳарсозлик фаолияти соҳасида давлат бошқаруви ва аҳоли пунктларининг шаҳарсозлик ҳужжатларини ишлаб чиқиш тизими такомиллаштирилиши муносабати билан унга қўшимчалар ва ўзгартиришлар киритилди.
Айрим шахсларнинг дахлсизлиги ва иммунитетини бузганлик учун жавобгарлик белгиланди
14.10.2026 йилдаги ЎРҚ-1182-сон Қонун билан дахлсизлик ва иммунитетга эга бўлган шахслар рўйхати белгиланди, уларни жавобгарликка тортиш тартиби белгиланди ва уларга берилган ҳуқуқларни бузганлик учун жазо чоралари белгиланди.
Тадбиркорлик субъектларининг ҳуқуқий ҳимояси кучайтирилмоқда
Қонунчиликни бузган хўжалик юритувчи субъектларга нисбатан ҳуқуқий чораларни қўллаш имкониятини, шунингдек ҳуқуқбузарлик бартараф этилганидан кейин хўжалик фаолиятини тезда тиклаш имкониятини чеклайдиган айрим маъмурий тартиб-таомиллар бартараф этилди.
Томорқа ер эгалари ва деҳқон хўжаликларига ер солиғининг бир қисми қандай қайтарилади
2027 йилда Наманган вилоятида томорқа ерлари ва деҳқон хўжаликлари ерларида етиштирилган қишлоқ хўжалиги маҳсулотларини сотишдан юқори даромад олаётган фуқароларга ер солиғининг бир қисмини қайтариш бўйича тажриба ўтказилади. Белгиланган талаблар бажарилганда тўланган солиқнинг 90 фоизи қайтарилади.
Пенсияларни тайинлаш бўйича ихчам бошқарув тизими жорий этилмоқда
Тажриба-синов доирасида Пенсия жамғармасининг ҳудудий бошқармалари давлат пенсияларини тайинлаш, қайта ҳисоблаш, пенсия турини ўзгартириш ҳамда тўлашни ташкил этиш бўйича ваколатларга эга бўлади. Тажриба лойиҳаси 2026 йилнинг октябрь–декабрь ойларида бўлиб ўтади, 2027 йилнинг январь ойидан бошлаб эса янги механизмни бутун мамлакат бўйлаб жорий этиш режалаштирилмоқда.
Банкротлик жараёнида тадбиркорларга махсус ҳисобварақлар очилади
МБ банк ҳисобварақларини очиш, юритиш ва ёпиш қоидаларини янгилади. Ўзгартиришлар реабилитация, ташқи бошқарув ёки тугатиш тартиб-таомилларидан ўтаётган тадбиркорлар учун махсус ҳисобварақлар очишни назарда тутади, шунингдек, фуқароларнинг ўз банк ҳисобварақлари тўғрисидаги маълумотларни олиш имкониятларини кенгайтиради.
Янгиланган ўзбек алифбоси тасдиқланди
Президент томонидан «Лотин ёзувига асосланган ўзбек алифбосини жорий этиш тўғрисида»ги Қонунга ўзгартиришлар киритиш ҳақидаги Қонун имзоланди, у ярим йилдан кейин кучга киради.
Конституциявий суд тўғрисида янгиланган Конституциявий қонун қабул қилинди
Президент 14.10.2026 йилдаги "Ўзбекистон Республикасининг Конституциявий суди тўғрисида"ги ЎРҚ-1181-сон Конституциявий қонунни имзолади.
Бизнесни рўйхатга олиш қандай ўтказилади
Ўзбекистонда бизнесни рўйхатга олиш бошланди. Йирик корхоналардан тортиб ўзини ўзи банд қилганлар ва рўйхатдан ўтмасдан фаолият юритаётган субъектларгача барчаси рўйхатга олинади.
Болаларга нисбатан зўравонлик учун жавобгарлик кучайтирилди
14.10.2026 йилдаги ЎРҚ-1180-сон Қонун айрим оғир жиноятлар учун умрбод озодликдан маҳрум қилишни, болаларга нисбатан зўравонлик содир этган таълим ташкилотлари ходимларини ишдан бўшатиш учун қўшимча асосларни, шунингдек жабрланган вояга етмаганларга давлат ҳисобидан юридик ёрдам кўрсатишни назарда тутади.
Яйловлардан фойдаланишнинг янги қоидалари жорий этилмоқда
Яйловлар учун ўтлатиш меъёрлари, «яшил», «сариқ» ва «қизил» тоифаларга ажратиш ҳамда суғурта жорий этилади. Маҳаллий аҳоли учун бепул жамоат яйловлари ташкил қилинади.
Янги сонларда ўқинг
2026, 10 ноябрь№ 45
- Ёшларнинг стартап ва бизнес лойиҳаларини молиялаштириш механизмлари такомиллаштирилмоқда
- Камроқ аралашув кўпроқ фойда
- Нафақалар тўлаш, муддатидан олдин пенсия олиш ва ногиронлиги бўлган шахсларни парвариш қилишни расмийлаштириш тўғрисида: нималарни билиш керак
- Қурилиш фаолиятининг ҳуқуқий асослари
- Ҳисобварақлар режаси билан қандай ишланади
footer_copyrights Сайт «NORMA» МЧЖ томонидан ишлаб чиқилган
Манзили: Ўзбекистон, 100105, Тошкент шаҳри, Миробод тумани, Таллимаржон кўчаси, 1/1.
Тел.: 78-150-11-72, Call-марказ:1172.
Бош администратор: Мосин Константин Васильевич.
Сайт материалларини ресурс маъмурияти розилигисиз кўчириб олиш тақиқланади.
© «NORMA» МЧЖ, 2007-2026 й. Барча ҳуқуқлар ҳимояланган.
Бизнинг сайтимизда жойлаштирилган материаллардан фойдаланиш шартлари
