
1 апрелдан нималар ўзгаради
Norma.uz портали 2024 йил 1 апрелдан кучга кирадиган миллий қонунчиликдаги асосий ўзгартиришлар шарҳини тақдим этади.

Майнинг-пул фаолияти учун қоидалар тасдиқланди
Хусусан, майнинг-пул фаолиятини амалга ошириш тартиби белгиланмоқда ва тақиқланган операциялар рўйхати келтирилмоқда.

Товарнинг келиб чиқиш мамлакати тўғрисидаги дастлабки қарор қандай олинади
Божхона органи томонидан тақдим этиладиган ҳужжатнинг муддати 3 йил.

Спорт вазирлиги қошида Оғир атлетика маркази ташкил этилади
Президент Қарори билан 2024-2026 йилларда мазкур спорт турини ривожлантиришнинг асосий йўналишлари белгиланди.

Маҳаллаларда футбол лигаси ўтказилади
Маҳаллаларда 12-15 ёш тоифалари ўртасида икки босқичли “Маҳалла лигаси” ва 16-30 ёш тоифаларида ўртасида уч босқичли ДХХ кубоги мусобақаларини ўтказиш режалаштирилган.

Камерал солиқ текшируви даврида солиқчилар баъзи ҳуқуқлардан маҳрум бўлганидан қувонишга ҳали эрта
Солиқ текширувларини ташкил этиш ва ўтказиш тартиби тўғрисидаги низом Солиқ кодексига мувофиқлаштирилди (13.03.2024 й. 132-сон ВМҚ). Бу амалиётда нималарга сабаб бўлишини эслатиб ўтамиз.

Пенсия миқдорлари инфляция даражасига мувофиқ индексация қилинади
Мазкур чора-тадбирлар фуқароларнинг ижтимоий ҳимоясини кучайтиришга қаратилган.

IT-парк резидентлари шартномаларни онлайн тарзда расмийлаштиришлари мумкин
Тажриба тариқасида рақамлаштириш соҳасида экспорт шартномаларни халқаро платформаларда расмийлаштириш электрон ҳужжат сифатида тан олинади.

Давлат «BYD Europe B.V.» Нидерландия компаниясининг талабларини инобатга олади
Гап «BYD» бренди остидаги электромобиль ва гибрид автомобиллар импортини тартибга солиш ҳақида кетмоқда.

Крипто-фаолиятни амалга оширганлик учун йиғим кескин оширилмоқда
Хусусан, крипто-дўкон фаолияти учун йиғим миқдори 9 бараварга оширилмоқда.

Дронлардан ноқонуний фойдаланганлик учун жазо енгиллаштирилмоқда
Учадиган аппаратларни ўз ихтиёри билан топширган шахс маъмурий жавобгарликдан озод қилинади.

Хусусий ОАВлари ички ишлар органларига бепул ёрдам кўрсатишади
Махсус қабулхоналардаги тезкор-қидирув фаолиятнинг ҳуқуқий асослари белгиланмоқда.

Ўзбекистоннинг 2024-2025 йилларга мўлжалланган инновацион ривожланиш стратегияси қандай амалга оширилади
«Йўл харитаси» бошқа тадбирлар билан бир қаторда кичик тадбиркорликнинг инновацион фаоллигини ошириш орқали ҳудудларни ижтимоий-иқтисодий жадал ривожлантиришни таъминлашни кўзда тутади.

Ёнғин хавфсизлиги қоидаларини бузганлик учун жавобгарлик кучайтирилмоқда
Шунингдек, бундай жавобгарликдан озод этишни назарда тутувчи ҳолат белгиланмоқда.

Савдони ривожлантириш компанияси экспорт қилувчиларни қўллаб-қувватлайди
Жорий йилнинг 1 июлдан бошлаб экспортчиларга Тадбиркорлик субъектларининг барқарорлик рейтинги асосида молиявий ёрдам кўрсатилади.

Солиқ органлари айрим ҳуқуқлардан маҳрум бўлмоқда
Солиқ текширувларини ташкил этиш ва ўтказиш тартиби тўғрисидаги низомдан камерал текширувларга оид ваколатлар чиқарилмоқда.

Хотин-қизларнинг тадбиркорлиги учун – 100 млн АҚШ доллари миқдорда имтиёзли кредит
Кредит муддати – 5 йил, фоиз ставкаси - йиллик 14 %.

Яйловлар муҳофазаси учун – махсус стратегия
Шунингдек, 4 йил ичида 21 млн гектардан зиёд яйлов майдонларининг электрон хариталари ишлаб чиқилади.

Давлат уй-жой фондидан фойдаланишнинг янги тартиби
Тартиб 2024 йил 1 июлдан кучга киради, давлат уй-жой фондидан фойдаланишга аризалар фақатгина давлат хизматлари маркази ёки ЯИДХП орқали қабул қилинади.

Марказий банк асосий ставкани йиллик 14 фоиз даражасида сақлаб қолди
Марказий банк асосий ставкани йиллик 14 фоиз даражасида сақлаб қолди

Давлат органлари раҳбарларининг фаолияти қандай баҳоланади
Республика ижро этувчи ҳокимият органлари ва хўжалик бирлашмалари раҳбарлари ва уларнинг ўринбосарлари фаолиятининг энг муҳим самарадорлик кўрсаткичлари Вазирлар Маҳкамаси томонидан тасдиқланади.

Индивидуал тартибда ижтимоий хизматлар кўрсатиш тартиби белгиланди
Ўзгалар парваришига муҳтож кишиларни эътироф этиш, индивидуал тартибда ижтимоий хизматлар ва ёрдамлар кўрсатиш режасини тасдиқлаш ва мониторинг қилишнинг маъмурий регламенти тасдиқланди.

“Ҳаётий давр шартномаси” қандай тузилади
Бундай шартномалар доирасида буюртмачи сифатида “Тошкент инвест компанияси” АЖ иштирок этади.

Тиббиётни ривожлантириш Давлат мақсадли жамғармаси нима мақсадда ташкил этилди
Унинг асосий вазифаларидан бири – соғлиқни сақлашни бошқариш органлари ходимларини хорижда тайёрлаш ва қайта тайёрлаш, шунингдек, малака ошириш ва тажриба алмашишни ташкил этиш учун хорижий мутахассисларни жалб этиш билан боғлиқ харажатларни молиялаштириш.

Томорқа ва деҳқон хўжаликларини қўллаб-қувватлашнинг янги чоралари
Экспортбоп ва сердаромад экинлар экиш ва аҳолининг мазкур соҳада билим ва кўникмаларини ошириш учун 54 та туманда намунавий ўқув-тажриба майдонлари ташкил этилади.

Рамазон ойида кам таъминланган фуқаролар қўллаб-қувватланади
2024 йилда Рамазон ойининг бошланиши 11 мартга тўғри келди.

Жисмоний шахснинг қарз юки кўрсаткичи оширилмоқда
Кўрсаткич оширилаётган давр – 6 ой.

Бола туғилганида бир марталик нафақа кимларга тўланади
Давлат томонидан тўланадиган нафақани тайинлаш тартиби ўзгарди.

"Тоза қўллар" дастури қандай амалга оширилади
Умумий ўрта таълим ташкилотларининг санитария-гигиена инфратузилмасини яхшилаш бўйича мақсадли дастурни шакллантириш зарур.

Педагог кадрларни тайёрлашда сиртқи таълимдан воз кечилади
Бўлажак педагоглар фақат кундузги ва кечки таълим шаклларида ўқитилади.

Ер участкаларига бўлган ҳуқуқларни бекор қилиш асослари кенгайтирилмоқда
Ер ости сувларидан-сув ўлчаш қурилмасиз фойдаланганлик учун оширилган солиқ ставкалари белгиланмоқда.

Ал-Хоразмий университети ташкил этилди
У ерда ўқув жараёни БАА, Хитой ва Буюк Британиянинг етакчи олий таълим муассасалари билан ҳамкорликда ташкил этилади.

Маҳсулотлар (товарлар ва хизматлар) ягона электрон миллий каталогини юритиш тартиби белгиланди
Маҳсулотлар (товарлар ва хизматлар) ягона электрон миллий каталоги «Янги технологиялар» илмий-ахборот маркази» давлат унитар корхонаси томонидан яратилади ва юритилади.

Хорижда ўқиш учун кимларга ссуда берилади
Аризалар давлат хизматлари маркази ёки Ягона интерактив давлат хизматлари портали орқали топширилади.

Давлат тиббиёт муассасаларининг пуллик хизматлари арзонлашади
Тегишли ўзгартириш пуллик тиббий хизмат кўрсатадиган даволаш-профилактика муассасаларини молиялаш тартибига киритилмоқда.

Хорижий банкларнинг ваколатхоналарини аккредитациядан ўтказишда Марказий банк ҳужжатлардаги камчиликларни тузатиш имкониятини беради
Хорижий давлатларнинг банклари ваколатхоналарини аккредитация қилиш тартиби тўғрисидаги низомга ўзгартиришлар киритилмоқда.

НҲҲ лойиҳаларини илмий экспертизадан ўтказиш қандай амалга оширилади
Илмий экспертиза вазифаларига нималар киради ва уни ким ва қандай усуллар билан ўтказади.

ЙҲҚни жарима баллари асосида баҳолаш тизими жорий этилади
ЙҲҚни жарима баллари асосида баҳолаш тизими босқичма-босқич жорий этилади. 1 июндан тартиб фақат ЙҲХХ ходимлари маъмурий баённомалар асосида қайд этган ҳуқуқбузарликларга нисбатан татбиқ этилади. Кейинчалик тизим камералар қайд этган ҳуқуқбузарликларга қўлланилади.
Янги сонларда ўқинг

- Паррандачилик маҳсулотларини ишлаб чиқарувчиларга солиқ имтиёзлари берилмоқда
- Жами йиллик даромад тўғрисидаги декларация қандай тўлдирилади ва солиқ тўловчининг шахсий кабинети орқали қандай жўнатилади
- Солиқ тўловчининг тақвими
- 2025 йилнинг май ойи учун жисмоний шахслар даромадидан олинадиган солиқ ва бошқа мажбурий бадаллар ҳисоб-китоби услубияти
- «Коррупцияга қарши курашиш тизимини янада такомиллаштириш бўйича белгиланган устувор вазифалар ижросини самарали ташкил этишга доир чора-тадбирлар тўғрисида»