2026-2028 yillarda gʻor turizmi salohiyati yuqori boʻlgan ob’yektlarda turizm infratuzilmasini bosqichma-bosqich rivojlantirish rejalashtirilgan. Investitsiyalarni jalb qilish, infratuzilmani yaratish, xalqaro miqyosda targʻib qilish hamda tabiiy va madaniy merosni muhofaza qilish va xavfsizlik choralarini kuchaytirish koʻzda tutilgan.

2027/2028 oʻquv yilidan boshlab oliy ta’lim muassasalarida bitiruvchilarni keyinchalik ishga joylashtirish sharti bilan korxonalarning buyurtmalari asosida dual ta’lim tizimi joriy etiladi. Talabalar nazariy ta’limni korxonalarda amaliyot bilan birga olib boradi, ish beruvchilar esa subsidiya va boshqa qoʻllab-quvvatlash choralariga ega boʻladi.

Davlat korxonalari va muassasalarini saqlab qolish, xususiylashtirish, qayta tashkil etish yoki tugatish zaruratini aniqlash uchun ularning faoliyatini har yili baholash joriy etiladi. Davlat ulushlarini xususiylashtirishdan oldin Raqobatni rivojlantirish va iste’molchilar huquqlarini himoya qilish qoʻmitasining tegishli sohadagi raqobat holati toʻgʻrisidagi xulosasi ham talab etiladi.

Mehnat resurslari, bandlik va ishsizlik toʻgʻrisidagi ma’lumotlarni shakllantirishning yangi tartibi tasdiqlandi. Ishlovchilar, oʻzini oʻzi band qilganlar, ishsizlar va aholining boshqa toifalari toʻgʻrisidagi ma’lumotlar turli idoralarning ma’lumotlar bazalaridan toʻplanadi va «Raqamli hukumat» tizimining idoralararo platformasi orqali uzatiladi.

Qishloq xoʻjaligi sub’yektlari uchun bir qator yangi subsidiyalar, jumladan, paxta hosili, yem-xashak ekinlari va sovutilgan goʻsht importi uchun toʻlovlar koʻzda tutilgan. 2027 yildan boshlab tajriba tariqasida suv tejovchi sugʻorish texnologiyalari uchun «natijaviy subsidiya» ham joriy etiladi.

Qurilish-montaj ishlarini boshlash uchun qurilish va uy-joy kommunal xoʻjaligi sohasida nazorat boʻyicha hududiy inspeksiyalarning ruxsati talab etiladi. Bunday ruxsatnomasiz koʻp qavatli uylarni qayta qurganlik uchun besh yilgacha ozodlikdan mahrum qilish jazosi joriy etildi.

2027 yil 1 yanvardan boshlab Pensiya jamgʻarmasi fuqarolardan qogʻoz shaklidagi hujjatlar va ma’lumotlarni qabul qilishni toʻxtatadi, «Mening pensiyam» xizmati orqali esa kelajakdagi pensiya miqdorini hisoblash va mehnat staji toʻgʻrisidagi ma’lumotlarni olish mumkin boʻladi.

Mutaxassislarga zamonaviy agrotexnologiyalar oʻrgatiladi, ilgʻor agroklasterlar va fermer xoʻjaliklari oʻrtasida mentorlik aloqalari rivojlantiriladi. Muvaffaqiyatli «oʻqituvchilar» oʻzlariga biriktirilgan fermerlarning hosildorligini oshirganliklari uchun pul mukofotlari olishlari mumkin boʻladi.

1 oktyabrdan Oʻzbekistonda ikki oylik obodonlashtirish kampaniyasi boshlanadi, 2027 yildan esa mahallalarda koʻkalamzorlashtirish boʻyicha yangi chora-tadbirlar paketi joriy etiladi. Mikrooʻrmonlar va mini bogʻlar tashkil etish, mahallalarga mutaxassislarni biriktirish, yashil maydonlar uchun yerlardan foydalanishning yangi qoidalari belgilandi.

Norma.uz portali 2026 yil 1 oktyabrdan kuchga kiradigan milliy qonunchilikdagi asosiy oʻzgarishlar sharhini taqdim etadi.

«Taklif soʻrovi» asosida davlat ehtiyojlari uchun xarid qilinishi mumkin boʻlgan sun’iy intellektga asoslangan axborot tizimlari va dasturiy mahsulotlarning yagona reyestrini shakllantirish va yuritish tartibi tasdiqlandi. Bunday xaridlar qiymati BHMning 2 500 baravaridan oshmasligi kerak.

Prezident farmoni bilan energetika sohasini rivojlantirishning yangi tamoyillari, jumladan, bozor mexanizmlarini kuchaytirish, raqobatni rivojlantirish va investitsiyalarni jalb etish belgilandi. 2026 yil yakuniga qadar iste’molchilarni 2050 yilgacha energiya resurslari bilan barqaror ta’minlash konsepsiyasini ishlab chiqish rejalashtirilgan.

2026 yil 1 oktyabrdan boshlab tajriba tariqasida jarima maydonchalariga ushlab turilgan avtomobillarni olib kirish, saqlash, hisobga olish va olib chiqish «Jarima maydonchasi» elektron moduli orqali amalga oshiriladi. Transportni olib chiqish uchun ruxsatnoma ham QR-kod bilan elektron shaklda rasmiylashtiriladi.

2026 yil 1 dekabrdan boshlab mehnat faoliyati bilan bogʻliq baxtsiz hodisalar toʻgʻrisida xabar berish, ularni tekshirish va hisobga olish «Xavfsiz mehnat» tizimi orqali sun’iy intellekt yordamida amalga oshiriladi. Yangi qoidalar, shuningdek, xodimlarning sogʻligʻiga yetkazilgan zararni maxsus tekshirish va qoplash tartibini belgilaydi.

Prezidentning «Aholi farovonligini ta’minlash va pensiya ta’minoti tizimini isloh qilish chora-tadbirlari toʻgʻrisida»gi farmoni loyihasi jamoatchilik muhokamasiga qoʻyildi (Loyiha IDsi:10855).

Talabalar oʻrtasida oʻtkaziladigan respublika va xalqaro fan olimpiadalari gʻoliblari shuningdek, ularning oʻqituvchilari bir martalik pul mukofotlari bilan taqdirlanadi. Xalqaro olimpiadada birinchi oʻrin uchun talabaga BHMning 100 baravari, oʻqituvchiga BHMning 50 baravari miqdorida mukofot beriladi.

Yangi tizim xodimlarga nisbatan tazyiq, jinsiy shilqimlik, zoʻravonlik, psixologik bosim, ta’qib va kamsitishlarning oldini olishga qaratilgan. Murojaatlarni raqamlashtirish, murojaatchilarning shaxsiy ma’lumotlarini himoya qilish va huquqbuzarliklarni yashirishga yoʻl qoʻymaslikka alohida e’tibor qaratilmoqda.

Vazirlar Mahkamasining qarori bilan Oliy ta’lim, fan va innovatsiyalar vazirligi huzuridagi Bilim va malakalarni baholash agentligi toʻgʻrisidagi nizom tasdiqlandi. Uning vazifalariga kirish va malaka imtihonlarini oʻtkazish, milliy sertifikatlar berish, test tizimini ishlab chiqish, ta’lim toʻgʻrisidagi xorijiy hujjatlarni tan olish va ta’lim muassasalarining rasmiy hujjatlarini apostillash kiradi.

Ijtimoiy himoya milliy agentligi muassasalari pullik xizmatlar koʻrsatishi, oʻz mahsulotlarini sotishi va mulkini ijaraga berishi mumkin boʻladi. Olingan daromadlar hisobidan xodimlarga lavozim maoshining 300 foizigacha ustamalar belgilash va har chorakda besh oylik maoshgacha mukofotlar toʻlashga ruxsat beriladi.

Prezidentning 12.09.2026 yildagi PQ-325-son qarori bilan yirik investorlarni jalb qilish va mahalliy elektrotexnika mahsulotlari ishlab chiqaruvchilarni qoʻllab-quvvatlash uchun soliq va moliyaviy imtiyozlar belgilandi.

2026/2027 oʻquv yilidan boshlab davlat oliy ta’lim muassasalarida bakalavriatning kunduzgi boʻlimida tahsil olayotgan pedagoglarning farzandlari har yili toʻlov-kontrakt qiymatining 30 foizi miqdorida chegirma olishlari mumkin boʻladi. Uni rasmiylashtirish uchun kontrakt.edu.uz orqali ariza berish kifoya.

Akademik M.Mirzayev nomidagi bogʻdorchilik, uzumchilik va vinochilik ilmiy-tadqiqot instituti qoshida oʻsimliklarni «in vitro» usulida yetishtirish texnologiyasini joriy etish, uzumning yangi navlarini tarqatish va qishloq xoʻjaligi ishlab chiqarishiga zamonaviy resurstejamkor usullarni joriy etish boʻyicha tajriba stansiyasi tashkil etiladi.

«Suvxoʻjaliknazorat» inspeksiyasiga suvni tejaydigan texnologiyalar va suv resurslaridan foydalanishni monitoring qilish uchun uchuvchisiz uchish apparatlarini qoʻllashga ruxsat berildi. Bunda dronlar yordamida oʻtkazilgan tadbirlar tekshiruv hisoblanmaydi va «Yagona davlat nazorati» tizimida roʻyxatdan oʻtkazilmaydi.

Bir qator NHHga voyaga yetmaganlarni tarbiyalash va ularga ta’lim berish uchun mas’ul shaxslar tomonidan ularga nisbatan jismoniy zoʻravonlik, kamsitish va haqorat qilish uchun javobgarlikni nazarda tutuvchi oʻzgartirishlar kiritildi. Bolalarga nisbatan zoʻravonlik uchun ma’muriy javobgarlikka tortilgan pedagoglar bir yilga pedagogik faoliyatdan chetlashtiriladi.

2027 yil 1 iyuldan boshlab shifokorlar va farmatsevtlarni davlat roʻyxatidan oʻtkazish tizimi bosqichma-bosqich joriy etiladi. 2030 yilgacha u ixtiyoriy boʻladi, shundan soʻng faqat roʻyxatdan oʻtgan mutaxassislarga kasbiy faoliyat bilan shugʻullanish huquqi beriladi.

Tibbiy ta’limning yangi tizimi besh yillik ta’lim va umumiy amaliyot shifokori malakasini olish bilan amaliy tayyorgarlikning oltinchi yilini nazarda tutadi. Tor soha mutaxassislarini tayyorlash toʻliq rezidentura formatiga oʻtkaziladi, klinik ordinaturada oʻqish esa bekor qilinadi.

Markaziy bank boshqaruvi 2026 yil 16 sentyabrdagi yigʻilishida asosiy stavkani yillik 14 foiz darajasida saqlab qolish toʻgʻrisida qaror qabul qildi.

Suyultirilgan gaz yetkazib berish sohasida bozor mexanizmlarini bosqichma-bosqich joriy etish, xususiy sektor ishtirokini kengaytirish va raqamlashtirish yoʻlga qoʻyiladi. Aholini u bilan ta’minlash uchun ixtisoslashtirilgan "LPG-Trade" korxonasi tashkil etilib, ehtiyojmand fuqarolarga davlat tomonidan moddiy koʻmak koʻrsatilishi koʻzda tutilgan.