Prezident shovqinning ruxsat etilgan darajalari va uning ta’siriga qoʻyilgan vaqtinchalik cheklovlarni belgilovchi qonunni imzoladi. Ish kunlari soat 23:00 dan 07:00 gacha, dam olish va bayram kunlari esa soat 22:00 dan 09:00 gacha belgilangan me’yorlardan yuqori shovqin taqiqlanadi.

Davlat xaridlarining oʻrtacha bozor va boshlangʻich narxlarini shakllantirishning yangi tartibi tasdiqlandi. Tizim elektron moduldan foydalanishni, davlat va jamoatchilik nazoratini, shuningdek, alohida tovarlar qiymatini avtomatik hisoblash uchun sun’iy intellektdan foydalanishni nazarda tutadi.

Institut ustavi hamda texnik jihatdan tartibga solish, standartlashtirish va metrologiya sohasida mutaxassislar tayyorlash qoidalari tasdiqlandi. Hujjatlar milliy sifat tizimini isloh qilish va xalqaro standartlarga oʻtish doirasida qabul qilingan.

Prezidentning PF-177-sonli farmoni bilan – 84 ta kompaniyaning aksiyalari, 1242 ta koʻchmas mulk ob’yekti va 8 ming gektar yerni sotish, 85 ta davlat korxonasini qayta tashkil etishga qaratilgan bir yillik reja belgilandi. Hujjatda toʻlovning yangi shartlari, jumladan, 15 foiz boʻnak va foizsiz boʻlib toʻlash, shuningdek, sotilmagan aktivlar uchun narxni bosqichma-bosqich pasaytirish mexanizmi belgilangan.

Ular Vazirlar Mahkamasining qarori bilan tasdiqlangan va endilikda geografik koʻrsatkichdan foydalanish huquqi toʻgʻrisidagi guvohnoma egasi belgining Oʻzbekiston Respublikasida roʻyxatdan oʻtkazilganligini tasdiqlovchi tegishli markirovkani qoʻyishi mumkin.

2026 yil 1 dekabrdan boshlab gidlar va gid-tarjimonlar imtihon natijalariga koʻra malaka sertifikatlarini olishlari mumkin boʻladi. Hujjatlar muddatsiz beriladi va ular haqidagi ma’lumotlar Gidlarning yagona elektron reyestriga kiritiladi.

Ma’lumot beruvchilar, agar ular taqdim etgan qoidabuzarlik haqidagi ma’lumotlar tasdiqlansa va aybdor shaxs javobgarlikka tortilsa, jarima summasining 10 foizini olishlari mumkin. Xabarlar vakolatli organ tomonidan 10 ish kuni mobaynida koʻrib chiqilishi lozim.

Har yili oʻtkaziladigan respublika tanlovi startap loyihalariga aylantirish uchun yuqori salohiyatga ega gʻoyalarni aniqlaydi. Oliy ta’lim bosqichi gʻoliblari 100 mln soʻmdan grantlar oladi, respublika bosqichining eng yaxshi loyihalari mualliflari esa xorijiy inkubatsiya va akseleratsiya dasturlarida ishtirok etish imkoniyatiga ega boʻladi.

Vazirlar Mahkamasining "Ijtimoiy himoya sohasida yuqori malakali mutaxassislar korpusini shakllantirish hamda ularning kasbiy faoliyatini yaxshilash toʻgʻrisida"gi qarori qabul qilindi.

Ichki ishlar organlarining jamoat xavfsizligini ta’minlash boʻyicha yangi ish tizimi joriy etilmoqda. Mahalla darajasida huquqbuzarliklarning oldini olish, profilaktika inspektorlarining vakolatlarini kengaytirish va ularning ishini raqamlashtirishga alohida e’tibor qaratiladi.

2026/2027 oʻquv yilidan boshlab Jamoat xavfsizligi universitetiga yillik qabul kvotalari kunduzgi ta’lim uchun 600 nafarga, masofaviy ta’lim uchun esa 300 nafarga oshiriladi. Oʻrinlarning toʻrtdan uch qismi IIV tizimi uchun kadrlar tayyorlashga moʻljallangan.

2026 yil 1 sentyabrdan boshlab bir qator davlatlarning amaldagi koʻp martalik turistik yoki biznes vizalariga ega boʻlgan Hindiston fuqarolari Oʻzbekistonga 30 kungacha vizasiz kirishlari mumkin boʻladi. Buning uchun oʻz mamlakatiga yoki uchinchi davlatga aviachiptani ham taqdim etish kerak boʻladi.

Tadbirkorlar bilan VI ochiq muloqot vazifalarini amalga oshirish boʻyicha Prezidentning 27.08.2026 yildagi PF-175-son Farmoni biznesga ma’muriy bosimni kamaytirish, jarima amnistiyalari, «tadbirkorning haqligi prezumpsiyasi» tamoyilini joriy etish va moliyaviy qoʻllab-quvvatlashni kengaytirishga qaratilgan.

Tadbirkorlarga eksport operatsiyalari boʻyicha 2026 yil 28 avgustga qadar yuzaga kelgan muddati oʻtgan debitorlik qarzlarini oʻz mablagʻlari hisobidan toʻlash imkoniyati beriladi. 2027 yil 1 yanvardan boshlab bir qator holatlar uchun aktivlarni repatriatsiya qilishni ta’minlamaganlik uchun jarimalarni ikki baravar kamaytirish ham nazarda tutilgan.

2030 yilgacha moʻljallangan yangi strategiyada bojxona tartib-taomillarini raqamlashtirish, sun’iy intellektni joriy etish va rasmiylashtirish vaqtini ikki barobarga qisqartirish koʻzda tutilgan. TIF ishtirokchilari uchun ham bir qator talablar bekor qilinadi va ayrim bojxona yigʻimlari kamaytiriladi.

Norma.uz portali 2026 yil 1 sentyabrdan milliy qonunchilikda kuchga kiradigan asosiy oʻzgarishlar sharhini taqdim etadi.

Yangi qoidalar kuchga kirgandan keyin fuqarolar oluvchining faqat mobil telefon raqamini yoki maxsus bogʻlash kodini koʻrsatgan holda Tezkor toʻlovlar tizimi orqali mablagʻlarni yuborishlari mumkin boʻladi. Operatsiya bajarilishidan oldin tizim oluvchining ma’lumotlarini va vositachilik haqini koʻrsatadi.

Mamlakatda kichik va mikro gidroelektr stansiyalari tarmogʻini kengaytirish, ularning umumiy quvvatini 204 MVtdan oshirish hamda 350 mingta aholi xonadonini ekologik toza elektr energiyasi bilan ta’minlash rejalashtirilmoqda. Tarmoqni rivojlantirish uchun sun’iy intellekt texnologiyalaridan foydalangan holda raqamli platforma ham yaratiladi.

Jahon banki ishtirokidagi qoʻshma loyiha doirasida mamlakatda gaz sizib chiqishlarini aniqlash va bartaraf etish mexanizmi yaratiladi. Bundan avval, bank koʻmagida oʻtkazilgan tadbirlar natijasida «Oʻztransgaz» AJ ob’yektlarining 1 000 tadan ortiq nuqsonli nuqtalarida 35 mln kub metrgacha hajmda gaz sizib chiqish holatlari aniqlangan edi.

Institut mutaxassislar va ilmiy kadrlar tayyorlaydi, kiberxavfsizlik, sun’iy intellekt va axborotni himoya qilish sohasida milliy yechimlarni ishlab chiqadi, shuningdek, davlat axborot tizimlarini xavfsizlik talablariga muvofiqligini tekshiradi.

Vazirlar Mahkamasi kasbiy ta’lim tizimi boshqaruv va pedagog kadrlarini kasbiy rivojlantirish tizimini yanada takomillashtirishga qaratilgan yangi chora-tadbirlarni tasdiqladi. 2026/2027 oʻquv yilidan boshlab kasbiy ta’lim tashkilotlari direktorlariga menejerlik sertifikati mavjud boʻlgan taqdirda – ish haqining 50 foizi, ularning oʻrinbosarlariga esa 30 foizi miqdorida har oylik ustama beriladi.

Vazirlar Mahkamasi texnikumlar bilan dual ta’lim dasturlarini amalga oshirayotgan va bitiruvchilar bandligini ta’minlayotgan tashkilotlarga imtiyozli kreditlar ajratish tartibini tasdiqladi. Ish beruvchilar 2 yillik imtiyozli davr bilan 7 yilgacha muddatga 5 mlrd soʻmgacha kredit olishlari mumkin boʻladi.

Har yili eng yaxshi 10 ta turistik loyiha yangi turdagi turizm xizmatlarini ishlab chiqish va amaliyotga joriy etish bilan bogʻliq xarajatlarning 50 foizi miqdorida – har bir loyiha uchun 1 mlrd soʻmgacha subsidiya olishi mumkin boʻladi. Qoʻllab-quvvatlashdan foydalanish uchun kompaniyalar biznes-reja taqdim etishlari hamda startapning yangiligi va turistlar uchun dolzarbligini tasdiqlashlari lozim.

Prezident tomonidan Enterprise Uzbekistan raqamli texnologiyalar xalqaro markazi faoliyatining huquqiy asoslarini mustahkamlovchi Konstitutsiyaviy qonun imzolandi. Markaz rezidentlari uchun 2100 yilgacha boʻlgan davrda investitsiyalar, raqamli texnologiyalar, sun’iy intellekt va ma’lumotlarni himoya qilish sohasida xalqaro standartlarni, shuningdek soliq va boshqa imtiyozlarni nazarda tutuvchi maxsus tartibga solish rejimi belgilanadi.

Toshkent shahrida Maktabgacha ta’limni rivojlantirish mintaqaviy markazi YuNESKO bilan hamkorlik doirasida tashkil etilmoqda. U xalqaro tadqiqotlar va ta’lim dasturlari, bolalarni erta rivojlantirish, pedagog kadrlarni tayyorlash, shuningdek, 2030 yilgacha maktabgacha ta’lim sohasidagi Toshkent deklaratsiyasi ijrosi yuzasidan monitoringni amalga oshirish bilan shugʻullanadi.

Vazirlar Mahkamasi muayyan yashash joyiga ega boʻlmagan shaxslarni vaqtinchalik boshpana va ijtimoiy tiklanish markazlariga joylashtirish tartibini belgiladi. 2026 yil 1 oktyabrdan boshlab muayyan yashash joyiga ega boʻlmagan muhtoj oilalarga ham munitsipal turar joylar imtiyozli stavkada ijaraga beriladi.

Boshqarish organlari fasadlardagi nuqsonlarni bir oy ichida bartaraf etishlari, magistral tarmoqlardan foydalanish imkoniyatini ta’minlashlari va liftlar xavfsizligi boʻyicha yangi talablarga rioya qilishlari shart boʻladi. Shuningdek, kirish yoʻlaklariga konditsionerlar va isitish qurilmalarini oʻzboshimchalik bilan oʻrnatish taqiqlanadi.

Asossiz tekshiruvlardan himoya qilish, biznesning yangi toifalari, tadbirkorlik sohasidagi majburiy talablarning yagona reyestri va xususiylashtirish natijalarining huquqiy daxlsizligi – Oʻzbekistonda tadbirkorlar uchun faoliyat shartlarini oʻzgartiradigan OʻRQ-1168-son Qonun (17.08.2026 y.) imzolandi.