2027 yil 1 martga qadar qayta ishlangan tayyor mahsulotlarni erkin muomalaga chiqarishda tovarlarning bojxona qiymatini aniqlash va bojxona toʻlovlarini hisoblashning yangi tartibi tajriba tariqasida amal qiladi.

Prezident qarorida ogʻir ahvoldagi bolalar va onkologik kasalliklarga chalingan bemorlarni davolashni moliyalashtirish, yetim va ota-ona qaramogʻidan mahrum boʻlgan bolalarga pul toʻlovlari berish, masjid va qabristonlarni obodonlashtirish koʻzda tutilgan.

Xalqaro moliya instituti bilan hamkorlik mamlakatning transport, energetika, suv ta’minoti, raqamlashtirish va "yashil" iqtisodiyotni rivojlantirishga uzoq muddatli investitsiyalarni jalb qilish imkoniyatlarini kengaytiradi.

Yangi tizim tekshiruvlar sonini qisqartirish, yuklarni rasmiylashtirishni tezlashtirish va biznes xarajatlarini kamaytirish imkonini beradi, xavf darajasi past boʻlgan mahsulotlarning bir qismi esa "E-Fitouz" platformasi orqali avtomatik ravishda nazoratdan oʻtkaziladi.

2026 yil 1 iyuldan soliq toʻlovchilar uchun tekshiruvdan oldingi tahlil doirasida aniqlangan tafovutlar boʻyicha aniqlashtirilgan soliq hisobotini yoki asoslantiruvchi hujjatlarni taqdim etish majburiyati bekor qilinadi.

Tuman va shaharlarda psixologik, huquqiy va tibbiy yordam koʻrsatuvchi oilaviy maslahat punktlari ochiladi. Ular yosh oilalarga bola tarbiyasi, oilaviy byudjet va nizolarning oldini olish boʻyicha ta’lim berish bilan shugʻullanadi.

Prezident "Muborak Qurbon hayitini nishonlash toʻgʻrisida"gi qarorni imzoladi.

Vazirlar Mahkamasining 18.05.2026 yildagi 253-son qarori bilan koʻchmas mulk ob’yektlari va yogʻochdan tayyorlangan qurilish materiallari uchun tovarlarning bozor narxini va uning asosida soliq bazasini aniqlash tartibi belgilangan.

Davlat xizmatlari markazlari va YaIDXP orqali yer uchastkalari ijara shartnomalarini yangi muddatga uzaytirish tartibi tasdiqlandi. Yangi ma’muriy reglament ariza topshirish muddatlari, rad etish asoslari va qarorlar ustidan shikoyat qilish tartibini belgilaydi.

Fuqaro aviatsiyasi parvozlarining meteorologik xavfsizligini ta’minlash uchun gidrometeorologik hodisalar toʻgʻrisidagi ma’lumotlarni tayyorlash va qayta ishlash zamonaviy texnologiyalarga asoslanadi.

Vazirlar Mahkamasining qarorida iqtidorli yoshlarni davlat auditi sohasiga maqsadli yoʻnaltirish, ushbu sohadagi ta’lim va ilmiy tadqiqotlar integratsiyasini ta’minlash vazifasi belgilangan.

Agroportalda qishloq xoʻjaligi yerlari toifasini oʻzgartirish uchun arizalar qabul qilinadi, kompensatsiya toʻlovlari esa avtomatik tarzda hisoblanadi.

Turar va noturar binolarning energiya samaradorligini tezkor baholash tizimi joriy etilib, elektr va gazni tejash choralari kengaytirilmoqda. Shuningdek, energiyani tejashning keng koʻlamli koʻrsatkichlariga erishish uchun "yashil" kreditlashni rivojlantirish rejalashtirilgan.

Qabul qilingan OʻRQ-1145-son Qonun kurort va rekreatsion zonalarda xoʻjalik faoliyatini cheklash, ekologik zararli ishlab chiqarishlarni taqiqlash hamda tabiiy komplekslarni sanoat va antropogen ta’sirdan qoʻshimcha himoya qilishni nazarda tutadi.

Sanoat korxonalarining atrof-muhit va inson salomatligiga salbiy ta’sirini oldini olish va kamaytirish boʻyicha xalqaro talablarga javob beradigan zamonaviy mexanizmlar joriy etilmoqda.

Lalmi va yaylov yer uchastkalarini qishloq xoʻjaligi aylanmasiga jalb qilishning yangi tizimi qariyb 1 million gektar yerni oʻzlashtirish, togʻ va togʻoldi hududlarida loyihalarni amalga oshirish uchun xususiy investitsiyalarni jalb qilish va imtiyozli moliyalashtirishni nazarda tutadi.

Ixtirolar, foydali modellar, sanoat namunalari, seleksiya yutuqlari, EHM uchun yaratilgan dasturlar va ma’lumotlar bazalarini huquqiy muhofaza qilganlik uchun, Adliya vazirligining Apellyatsiya kengashi tomonidan apellyatsiyalar va arizalarni koʻrib chiqqanlik uchun davlat boji miqdorlari yuridik shaxslar uchun keskin kamaytiriladi.

Yirik investitsiya loyihalarini korrupsiyaga qarshi ekspertizadan oʻtkazish va ularning raqobat muhitiga ta’sirini baholash tartibi toʻgʻrisidagi yoʻriqnoma tasdiqlandi.

Aholi bandligiga koʻmaklashish davlat jamgʻarmasi mablagʻlari hisobidan subsidiya va grantlar berish tartibi toʻgʻrisidagi nizom yangi tahrirda tasdiqlandi.

Ma’muriy javobgarlik tizimini kompleks qayta koʻrib chiqish ishlari boshlandi. Prezidentning F-30-son farmoyishi bilan zamonaviy sharoitlarni hisobga olgan holda qonunchilikni takomillashtirish, fuqarolar huquqlarini himoya qilishni kuchaytirish va sud nazoratini kengaytirish chora-tadbirlari belgilandi.

Tibbiy xizmatlar sifati va tibbiyot muassasalarini litsenziyalash tizimiga qoʻyiladigan talablar kuchaytirilmoqda. Tegishli chora-tadbirlar Prezidentning PQ-170-son qarorida nazarda tutilgan.

Toʻlovga qobiliyatsizlik sohasida zamonaviy, shaffof va raqamlashtirilgan boshqaruv tizimi joriy etiladi.

Prezidentning PF-74-son Farmonida nodavlat klinikalarning davlat tibbiy sugʻurtasi tizimidagi ishtirokini kengaytirish, yangi soliq va bojxona imtiyozlari, shuningdek, hududlarda tibbiy infratuzilmani rivojlantirish uchun investitsiya mexanizmlarini ishga tushirish nazarda tutilgan.

Gaz ta’minoti korxonasi tomonidan iste’molchilarda oʻtkazilgan xatlov va koʻrik dalolatnomalari bir sutka davomida “HGT Billing” tizimiga kiritilmagan boʻlsa, ushbu dalolatnomalar haqiqiy emas deb topiladi.

Energiya ta’minoti sohasini raqamlashtirish va elektr energiyasi iste’moli ustidan nazoratni kuchaytirish davom etmoqda. Shartnomalarning elektron shakli joriy etilib, hisobga olinmagan elektr energiyasi uchun hisob-kitob qilish tartibi aniqlashtirildi.

Vazirlar Mahkamasining 05.05.2026 yildagi 224-son qarori "Face-ID" va "Mobile-ID" tizimlaridan foydalanishni, YaIDXP orqali masofadan roʻyxatdan oʻtish imkoniyatini nazarda tutadi, shuningdek roʻyxatdan oʻtkazishni rad etish va bekor qilish asoslarini aniqlashtiradi.

Atrof-muhit, ijtimoiy va korporativ boshqaruv (ESG) tamoyillari asosida “Moliyaviy hisobotning xalqaro standartlari va barqaror rivojlanish toʻgʻrisidagi ma’lumotlarni oshkor qilish standartlari”ni joriy etish va ushbu standartlar asosida hisobot tayyorlash qoidalari tasdiqlandi.

Yuridik shaxslar uchun atrof-muhitni ifloslantirganlik, daraxtlarni noqonuniy kesganlik va ruxsat etilgan chiqindilardan oshib ketganlik uchun jarimalarni bir necha barobar oshirishni nazarda tutuvchi moliyaviy sanksiyalar tizimi joriy etilmoqda.