Янги қонун солиқ қонунчилиги ва электрон тижорат қоидаларига ўзгартиришлар киритди. Ҳужжатда товарларни электрон савдо платформалари орқали сотадиган хорижий компаниялар учун солиқларни ҳисобга олиш, ҳисоблаш ва тўлаш тартиби белгиланмоқда.

Оилавий ва ёшлар тадбиркорлигини қўллаб-қувватлашнинг янги механизми жорий этилмоқда: туман ва шаҳар штаблари маблағларни имтиёзли кредитлаш ва қарзлар бўйича фоизларнинг бир қисмини қоплашга йўналтириши мумкин бўлади. Ижтимоий реестрдаги оилаларни кооперация лойиҳаларига жалб қилган тадбиркорларга 5 млрд сўмгача гаровсиз кредит берилади.

Хавфли юқумли касалликлар тарқалиши хавфи туғилганда, профилактик эмлаш янги қоидалар асосида амалга оширилади. Соғлиқни сақлаш вазирлиги эмлаш тўғрисида қарор қабул қилиш, ҳудудлар ва хавф гуруҳларини аниқлаш, шунингдек, фуқароларни эмлаш ҳақида хабардор қилиш тартибини тасдиқлади.

Президент шовқиннинг рухсат этилган даражалари ва унинг таъсирига қўйилган вақтинчалик чекловларни белгиловчи қонунни имзолади. Иш кунлари соат 23:00 дан 07:00 гача, дам олиш ва байрам кунлари эса соат 22:00 дан 09:00 гача белгиланган меъёрлардан юқори шовқин тақиқланади.

Давлат харидларининг ўртача бозор ва бошланғич нархларини шакллантиришнинг янги тартиби тасдиқланди. Тизим электрон модулдан фойдаланишни, давлат ва жамоатчилик назоратини, шунингдек, алоҳида товарлар қийматини автоматик ҳисоблаш учун сунъий интеллектдан фойдаланишни назарда тутади.

Институт устави ҳамда техник жиҳатдан тартибга солиш, стандартлаштириш ва метрология соҳасида мутахассислар тайёрлаш қоидалари тасдиқланди. Ҳужжатлар миллий сифат тизимини ислоҳ қилиш ва халқаро стандартларга ўтиш доирасида қабул қилинган.

Президентнинг ПФ-177-сонли фармони билан – 84 та компаниянинг акциялари, 1242 та кўчмас мулк объекти ва 8 минг гектар ерни сотиш, 85 та давлат корхонасини қайта ташкил этишга қаратилган бир йиллик режа белгиланди. Ҳужжатда тўловнинг янги шартлари, жумладан, 15 фоиз бўнак ва фоизсиз бўлиб тўлаш, шунингдек, сотилмаган активлар учун нархни босқичма-босқич пасайтириш механизми белгиланган.

Улар Вазирлар Маҳкамасининг қарори билан тасдиқланган ва эндиликда географик кўрсаткичдан фойдаланиш ҳуқуқи тўғрисидаги гувоҳнома эгаси белгининг Ўзбекистон Республикасида рўйхатдан ўтказилганлигини тасдиқловчи тегишли маркировкани қўйиши мумкин.

2026 йил 1 декабрдан бошлаб гидлар ва гид-таржимонлар имтиҳон натижаларига кўра малака сертификатларини олишлари мумкин бўлади. Ҳужжатлар муддатсиз берилади ва улар ҳақидаги маълумотлар Гидларнинг ягона электрон реестрига киритилади.

Маълумот берувчилар, агар улар тақдим этган қоидабузарлик ҳақидаги маълумотлар тасдиқланса ва айбдор шахс жавобгарликка тортилса, жарима суммасининг 10 фоизини олишлари мумкин. Хабарлар ваколатли орган томонидан 10 иш куни мобайнида кўриб чиқилиши лозим.

Ҳар йили ўтказиладиган республика танлови стартап лойиҳаларига айлантириш учун юқори салоҳиятга эга ғояларни аниқлайди. Олий таълим босқичи ғолиблари 100 млн сўмдан грантлар олади, республика босқичининг энг яхши лойиҳалари муаллифлари эса хорижий инкубация ва акселерация дастурларида иштирок этиш имкониятига эга бўлади.

Вазирлар Маҳкамасининг "Ижтимоий ҳимоя соҳасида юқори малакали мутахассислар корпусини шакллантириш ҳамда уларнинг касбий фаолиятини яхшилаш тўғрисида"ги қарори қабул қилинди.

Ички ишлар органларининг жамоат хавфсизлигини таъминлаш бўйича янги иш тизими жорий этилмоқда. Маҳалла даражасида ҳуқуқбузарликларнинг олдини олиш, профилактика инспекторларининг ваколатларини кенгайтириш ва уларнинг ишини рақамлаштиришга алоҳида эътибор қаратилади.

2026/2027 ўқув йилидан бошлаб Жамоат хавфсизлиги университетига йиллик қабул квоталари кундузги таълим учун 600 нафарга, масофавий таълим учун эса 300 нафарга оширилади. Ўринларнинг тўртдан уч қисми ИИВ тизими учун кадрлар тайёрлашга мўлжалланган.

2026 йил 1 сентябрдан бошлаб бир қатор давлатларнинг амалдаги кўп марталик туристик ёки бизнес визаларига эга бўлган Ҳиндистон фуқаролари Ўзбекистонга 30 кунгача визасиз киришлари мумкин бўлади. Бунинг учун ўз мамлакатига ёки учинчи давлатга авиачиптани ҳам тақдим этиш керак бўлади.

Тадбиркорлар билан VI очиқ мулоқот вазифаларини амалга ошириш бўйича Президентнинг 27.08.2026 йилдаги ПФ-175-сон Фармони бизнесга маъмурий босимни камайтириш, жарима амнистиялари, «тадбиркорнинг ҳақлиги презумпцияси» тамойилини жорий этиш ва молиявий қўллаб-қувватлашни кенгайтиришга қаратилган.

Тадбиркорларга экспорт операциялари бўйича 2026 йил 28 августга қадар юзага келган муддати ўтган дебиторлик қарзларини ўз маблағлари ҳисобидан тўлаш имконияти берилади. 2027 йил 1 январдан бошлаб бир қатор ҳолатлар учун активларни репатриация қилишни таъминламаганлик учун жарималарни икки баравар камайтириш ҳам назарда тутилган.

2030 йилгача мўлжалланган янги стратегияда божхона тартиб-таомилларини рақамлаштириш, сунъий интеллектни жорий этиш ва расмийлаштириш вақтини икки баробарга қисқартириш кўзда тутилган. ТИФ иштирокчилари учун ҳам бир қатор талаблар бекор қилинади ва айрим божхона йиғимлари камайтирилади.

Norma.uz портали 2026 йил 1 сентябрдан миллий қонунчиликда кучга кирадиган асосий ўзгаришлар шарҳини тақдим этади.

Янги қоидалар кучга киргандан кейин фуқаролар олувчининг фақат мобиль телефон рақамини ёки махсус боғлаш кодини кўрсатган ҳолда Тезкор тўловлар тизими орқали маблағларни юборишлари мумкин бўлади. Операция бажарилишидан олдин тизим олувчининг маълумотларини ва воситачилик ҳақини кўрсатади.

Мамлакатда кичик ва микро гидроэлектр станциялари тармоғини кенгайтириш, уларнинг умумий қувватини 204 МВтдан ошириш ҳамда 350 мингта аҳоли хонадонини экологик тоза электр энергияси билан таъминлаш режалаштирилмоқда. Тармоқни ривожлантириш учун сунъий интеллект технологияларидан фойдаланган ҳолда рақамли платформа ҳам яратилади.

Жаҳон банки иштирокидаги қўшма лойиҳа доирасида мамлакатда газ сизиб чиқишларини аниқлаш ва бартараф этиш механизми яратилади. Бундан аввал, банк кўмагида ўтказилган тадбирлар натижасида «Ўзтрансгаз» АЖ объектларининг 1 000 тадан ортиқ нуқсонли нуқталарида 35 млн куб метргача ҳажмда газ сизиб чиқиш ҳолатлари аниқланган эди.

Институт мутахассислар ва илмий кадрлар тайёрлайди, киберхавфсизлик, сунъий интеллект ва ахборотни ҳимоя қилиш соҳасида миллий ечимларни ишлаб чиқади, шунингдек, давлат ахборот тизимларини хавфсизлик талабларига мувофиқлигини текширади.

Вазирлар Маҳкамаси касбий таълим тизими бошқарув ва педагог кадрларини касбий ривожлантириш тизимини янада такомиллаштиришга қаратилган янги чора-тадбирларни тасдиқлади. 2026/2027 ўқув йилидан бошлаб касбий таълим ташкилотлари директорларига менежерлик сертификати мавжуд бўлган тақдирда – иш ҳақининг 50 фоизи, уларнинг ўринбосарларига эса 30 фоизи миқдорида ҳар ойлик устама берилади.

Вазирлар Маҳкамаси техникумлар билан дуал таълим дастурларини амалга ошираётган ва битирувчилар бандлигини таъминлаётган ташкилотларга имтиёзли кредитлар ажратиш тартибини тасдиқлади. Иш берувчилар 2 йиллик имтиёзли давр билан 7 йилгача муддатга 5 млрд сўмгача кредит олишлари мумкин бўлади.

Ҳар йили энг яхши 10 та туристик лойиҳа янги турдаги туризм хизматларини ишлаб чиқиш ва амалиётга жорий этиш билан боғлиқ харажатларнинг 50 фоизи миқдорида – ҳар бир лойиҳа учун 1 млрд сўмгача субсидия олиши мумкин бўлади. Қўллаб-қувватлашдан фойдаланиш учун компаниялар бизнес-режа тақдим этишлари ҳамда стартапнинг янгилиги ва туристлар учун долзарблигини тасдиқлашлари лозим.

Президент томонидан Enterprise Uzbekistan рақамли технологиялар халқаро маркази фаолиятининг ҳуқуқий асосларини мустаҳкамловчи Конституциявий қонун имзоланди. Марказ резидентлари учун 2100 йилгача бўлган даврда инвестициялар, рақамли технологиялар, сунъий интеллект ва маълумотларни ҳимоя қилиш соҳасида халқаро стандартларни, шунингдек солиқ ва бошқа имтиёзларни назарда тутувчи махсус тартибга солиш режими белгиланади.

Тошкент шаҳрида Мактабгача таълимни ривожлантириш минтақавий маркази ЮНЕСКО билан ҳамкорлик доирасида ташкил этилмоқда. У халқаро тадқиқотлар ва таълим дастурлари, болаларни эрта ривожлантириш, педагог кадрларни тайёрлаш, шунингдек, 2030 йилгача мактабгача таълим соҳасидаги Тошкент декларацияси ижроси юзасидан мониторингни амалга ошириш билан шуғулланади.