Энергетика вa ғалла етиштириш соҳасидаги хўжалик юритувчи субъектларга махсус мақсадли ҳисобварақлардан фойдаланишга рухсат берилди
Хўжалик юритувчи субъектлар томонидан олинган маблағлар мақсадсиз ишлатилганлиги аниқланган тақдирда уларнинг ҳисобварақлари муддатидан олдин ёпилади.
Бир қатор Қонунларга ўзгартиришлар киритилди
Ўзбекистон Республикаси фуқаролигига эга бўлган болани ота, она ёки уларнинг ўрнини босувчи шахс ёхуд ҳамроҳлик қилувчи шахс томонидан чет давлат ҳудудида назоратсиз қолдириш жарима солишга сабаб бўлади.
Пенсионерлар исталган вақтда метрода бепул юришлари мумкин
1 апрелдан бошлаб пенсионерлар метрополитендан бепул фойдаланишлари мумкин.
«Электрон ҳукумат» тизимининг маълумотларни қайта ишлаш маркази вазифалари белгиланди
«Электрон ҳукумат лойиҳаларини бошқариш маркази» давлат муассасасида юридик шахс ташкил этмаган ҳолда «Электрон ҳукумат» тизимининг маълумотларни қайта ишлаш маркази ишга туширилди.
Саноат зоналари ва ёш тадбиркорлар қўллаб-қувватланади
Саноат зоналари ва Ёш тадбиркорларни қўллаб-қувватлаш жамғармаси фаолияти такомиллаштирилиши муносабати билан Ўзбекистон Республикаси Ҳукуматининг айрим қарорлари ўз кучини йўқотди.
Электр энергияси, иссиқлик, газ ёки сувдан ноқонуний фойдаланиш ўғирлик сифатида малакаланади
Бундан ташқари, Электр энергияси, нефть маҳсулотлари ва газдан фойдаланишни назорат қилиш инспекцияси кўрсатмаларини бажармаганлик учун маъмурий жавобгарлик белгиланмоқда.
Конституциявий суд референдум бўйича қарор қабул қилди
Конституциявий қонун лойиҳасида референдум предмети бўлмайдиган масалалар мавжуд эмас, Олий Мажлис Қонунчилик палатаси томонидан референдумни тайинлаш тартибига риоя этилган.
Давлат хизматчилари учун совғаларни қабул қилиш қоидалари жорий этилди
Совға очиқ ва ошкора қабул қилиниши лозим, бунда давлат органининг обрўсига путур етказмаслиги керак.
Ҳалок бўлган ҳарбий хизматчиларнинг оилалари имтиёзлар билан қўллаб-қувватланади
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларига маҳаллий бюджетларнинг қўшимча манбалари ҳисобидан ҳалок бўлган ҳарбий хизматчиларнинг тегишли ҳудудда истиқомат қилувчи оила аъзоларига ҳар ой тўланадиган нафақа тайинлаш тартибини белгилаш ҳуқуқи берилди.
“Бир нуроний ўн ёшга масъул”
Ўзбекистон фахрийларининг ижтимоий фаолиятини қўллаб-қувватлаш "Нуроний" жамғармаси фаолиятининг устувор йўналишлари тасдиқланди.
Пойтахтнинг энергия таъминоти яхшиланади
2023 йилда Тошкент шаҳри электр таъминотини яхшилашга қаратилган электр тармоқларини ривожлантириш лойиҳаси тасдиқланди.
Брендларни импорт қилувчилар реестри қандай шакллантирилади
Халқаро брендлар товарларининг айрим турларини бренд эгалари ёки уларнинг ваколатли етказиб берувчилари билан тузилган тўғридан-тўғри шартнома асосида импорт қилувчилар реестрини шакллантириш ва юритиш тартиби тўғрисида низом тасдиқланди.
Давлат мулкини бўлиб-бўлиб тўлаш шарти билан олган инвесторлар мулкни тўланган қисмидан фойдаланишлари мумкин бўлади
Халқаро нуфузга эга аудиторлик компаниялари томонидан амалга оширилган баҳолаш ҳисоботини мажбурий тартибда экспертизадан ўтказиш талаби бекор қилинмоқда.
Давлат мулкини бошқариш тўғрисида Қонун қабул қилинди
Қонунда хусусийлаштирилмайдиган давлат мулки рўйхати белгиланган.
Микромолия ташкилотлари ва ломбардлар учун рухсат бериш ва хабардор қилиш тартиби белгиланмоқда
Аризаларни кўриб чиққанлик ва хабарномаларни юборганлик учун йиғим ундирилмайди.
Хусусий суд экспертларининг касб этикаси қоидалари тасдиқланди
Касб этикаси қоидаларининг мақсади – нодавлат суд-экспертиза ташкилотларида юксак касбий маданиятни шакллантириш, жамоатчилик онгида суд-экспертлик фаолиятига бўлган ҳурмат ва ишончни ошириш.
Жисмоний шахслар айрим тўловлар бўйича воситачилик ҳақи тўлашдан озод этилади
Пойтахтдаги савдо ва хизмат кўрсатиш шохобчалари томонидан нақд пул ечиш хизматини кўрсатишга рухсат берилади.
Эроннинг ШҲТга кириши тўғрисидаги халқаро шартнома тасдиқланди
Шанхай ҳамкорлик ташкилотига аъзо давлат мақомини олиш учун Эрон Ислом Республикасининг мажбуриятлари тўғрисидаги меморандум тасдиқланди.
Зулфия номидаги мукофот – иқтидорли қизларга
Мамлакатимизнинг 28 нафар қизлари Зулфия номидаги Давлат мукофоти совриндорлари бўлишди.
Автомактаблар ўқитувчилари қандай малака оширадилар
Таълим ташкилотлари ўқитувчи ва ҳайдовчи-йўриқчиларининг малакасини ошириш ҳар 3 йилда бир марта амалга оширилади.
АИ-80 бензинига акциз солиғини «ноль» ставкада қўллаш йил охиригача узайтирилади
Мазкур чора нефть маҳсулотлари нархларининг барқарорлигини таъминлаш мақсадида қўлланилмоқда.
Янги Меҳнат кодекси бўйича таътилни қандай қайта ҳисоблаш керак
Ташкилот ходимларида меҳнат таътилининг умумий давомийлиги бугунги кунда йигирма тўрт иш кунини (асосий ўн беш кун + жамоа шартномаси бўйича қўшимча тўққиз кун) ташкил қилади. Янги МК жорий этилиши билан ходимлар учун таътилларни календарь кунларда қандай ҳисоблаш керак? Уларнинг давомийлигини ўзгартирмаса бўладими?
Ўриндошлик асосидаги иш пенсияга қандай таъсир қилади
Пенсияни ҳисоблашда иш стажи ва ўриндошлик асосидаги даромад ҳисобга олиниш-олинмаслигини kadrovik.uz илтимосига кўра бюджетдан ташқари Пенсия жамғармаси ижроия бошқармаси методология бўлими бошлиғи Фаррух Пардаев тушунтирди.
Давлат иштирокидаги 31 та йирик корхоналар ислоҳ қилинади
Уларнинг устав капиталидаги давлат акция пакетлари (улушлари) “UzAssets” инвестиция компаниясига бошқарувга берилади.
“Инсонга эътибор ва сифатли таълим йили”да нималар белгиланган
2022-2026 йилларга мўлжалланган Янги Ўзбекистоннинг тараққиёт стратегиясини амалга оширишга оид давлат дастури тасдиқланди.
2023 йил учун статистика дастури тасдиқланди
Дастурни амалга ошириш учун 195,2 млрд сўм ажратилди.
Мувофиқликни баҳолаш органлари аккредитациядан қандай ўтказилади
Аккредитациянинг вазифалари – манфаатдор тарафларнинг аккредитациядан ўтган субъектлар фаолиятига бўлган ишончини таъминлаш, мувофиқликни баҳолаш соҳасида ягона техника сиёсати амалга оширилишини таъминлаш.
АТ соҳасида таҳсил олиш учун имтиёзли кредитлар берилади
Таълим кредитини молиялаштириш жамғармаси ҳисобидан ёшларнинг ахборот технологиялари соҳасида таҳсил олиши учун таълим кредити ажратиш тартиби тўғрисидаги низом тасдиқланди.
Хорижий маркетплейсларнинг солиққа тортилиши тартибга солинди
Янги қонун солиқ қонунчилиги ва электрон тижорат қоидаларига ўзгартиришлар киритди. Ҳужжатда товарларни электрон савдо платформалари орқали сотадиган хорижий компаниялар учун солиқларни ҳисобга олиш, ҳисоблаш ва тўлаш тартиби белгиланмоқда.
Жамоат хавфсизлиги: профилактика инспекторларига янги ваколатлар берилади
Ички ишлар органларининг жамоат хавфсизлигини таъминлаш бўйича янги иш тизими жорий этилмоқда. Маҳалла даражасида ҳуқуқбузарликларнинг олдини олиш, профилактика инспекторларининг ваколатларини кенгайтириш ва уларнинг ишини рақамлаштиришга алоҳида эътибор қаратилади.
Давлат активлари ва ерларни сотиш бўйича қўшимча чора-тадбирлар тасдиқланди
Президентнинг ПФ-177-сонли фармони билан – 84 та компаниянинг акциялари, 1242 та кўчмас мулк объекти ва 8 минг гектар ерни сотиш, 85 та давлат корхонасини қайта ташкил этишга қаратилган бир йиллик режа белгиланди. Ҳужжатда тўловнинг янги шартлари, жумладан, 15 фоиз бўнак ва фоизсиз бўлиб тўлаш, шунингдек, сотилмаган активлар учун нархни босқичма-босқич пасайтириш механизми белгиланган.
Жамоат хавфсизлиги университетига курсантларни қабул қилиш кўпаймоқда
2026/2027 ўқув йилидан бошлаб Жамоат хавфсизлиги университетига йиллик қабул квоталари кундузги таълим учун 600 нафарга, масофавий таълим учун эса 300 нафарга оширилади. Ўринларнинг тўртдан уч қисми ИИВ тизими учун кадрлар тайёрлашга мўлжалланган.
Гидлар учун малака тоифалари жорий этилмоқда
2026 йил 1 декабрдан бошлаб гидлар ва гид-таржимонлар имтиҳон натижаларига кўра малака сертификатларини олишлари мумкин бўлади. Ҳужжатлар муддатсиз берилади ва улар ҳақидаги маълумотлар Гидларнинг ягона электрон реестрига киритилади.
Педагогларнинг фарзандлари учун контракт тўловига чегирма жорий этилади
2026/2027 ўқув йилидан бошлаб давлат олий таълим муассасаларида бакалавриатнинг кундузги бўлимида таҳсил олаётган педагогларнинг фарзандлари ҳар йили тўлов-контракт қийматининг 30 фоизи миқдорида чегирма олишлари мумкин бўлади. Уни расмийлаштириш учун kontrakt.edu.uz орқали ариза бериш кифоя.
Шифокорларни тайёрлаш «5+1» моделига ўтказилади
Тиббий таълимнинг янги тизими беш йиллик таълим ва умумий амалиёт шифокори малакасини олиш билан амалий тайёргарликнинг олтинчи йилини назарда тутади. Тор соҳа мутахассисларини тайёрлаш тўлиқ резидентура форматига ўтказилади, клиник ординатурада ўқиш эса бекор қилинади.
Судларни Давлат бюджетидан молиялаштириш кафолатлари белгиланди
Президент суд органларини фақат Давлат бюджети ҳисобидан молиялаштиришни мустаҳкамловчи қонунни имзолади. Иқтисодий вазият ёки бюджет тақчиллигининг ўсишидан қатъи назар, судлар фаолияти учун харажатлар қисқартирилмайди, судлар эса бюджет лойиҳасини тайёрлашда мустақил иштирок этиш имкониятига эга бўлади.
Тиббиёт ва фармацевтика ходимларини давлат рўйхатидан ўтказиш жорий этилади
2027 йил 1 июлдан бошлаб шифокорлар ва фармацевтларни давлат рўйхатидан ўтказиш тизими босқичма-босқич жорий этилади. 2030 йилгача у ихтиёрий бўлади, шундан сўнг фақат рўйхатдан ўтган мутахассисларга касбий фаолият билан шуғулланиш ҳуқуқи берилади.
Аҳолини суюлтирилган газ билан таъминлаш тизими ислоҳ қилинмоқда.
Суюлтирилган газ етказиб бериш соҳасида бозор механизмларини босқичма-босқич жорий этиш, хусусий сектор иштирокини кенгайтириш ва рақамлаштириш йўлга қўйилади. Аҳолини у билан таъминлаш учун ихтисослаштирилган "LPG-Trade" корхонаси ташкил этилиб, эҳтиёжманд фуқароларга давлат томонидан моддий кўмак кўрсатилиши кўзда тутилган.
footer_copyrights Сайт «NORMA» МЧЖ томонидан ишлаб чиқилган
Манзили: Ўзбекистон, 100105, Тошкент шаҳри, Миробод тумани, Таллимаржон кўчаси, 1/1.
Тел.: 78-150-11-72, Call-марказ:1172.
Бош администратор: Мосин Константин Васильевич.
Сайт материалларини ресурс маъмурияти розилигисиз кўчириб олиш тақиқланади.
© «NORMA» МЧЖ, 2007-2026 й. Барча ҳуқуқлар ҳимояланган.
Бизнинг сайтимизда жойлаштирилган материаллардан фойдаланиш шартлари
